ആക്റ്റ് തിരൂർ നാടകമേള നവംബർ 6ന് തുടങ്ങും
തിരൂർ നഗരസഭയുടെ സഹകരണത്തോടെ തിരൂരിന്റെ കുടുംബ കൂട്ടായ്മ ആക്റ്റ് തിരൂർ സംഘടിപ്പിക്കുന്ന നാടകമേള നവംബർ ആറുമുതൽ 13 വരെ വാഗൺ ട്രാജഡി സ്മാരക ടൗൺഹാളിൽ നടക്കും. നാടകമേളയുടെ സ്വാഗതസംഘം രൂപീകരണ യോഗം വിദ്യാഭ്യാസ സ്ഥിരം സമിതി അധ്യക്ഷ സുബൈദ ചെറാട്ടയിൽ ഉദ്ഘാടനംചെയ്തു. ആക്റ്റ് വൈസ് പ്രസിഡന്റ് എസ് ത്യാഗരാജൻ അധ്യക്ഷനായി. സെക്രട്ടറി കരീം മേച്ചേരി, കൈനിക്കര ഷാഫി ഹാജി, പി പി അബ്ദുറഹിമാൻ, സി പി ബാപ്പുട്ടി, ബഷീർ പുത്തൻവീട്ടിൽ, സേൽറ്റി തിരൂർ, പ്രദീപ് പയ്യോളി, നാജിറ അഷറഫ് തുടങ്ങിവർ സംസാരിച്ചു. നാടകമേളയുടെ കൂപ്പൺ വിതരണ ഉദ്ഘാടനം പി സത്യാനന്ദന് നൽകി കൈനിക്കര ഷാഫി ഹാജി ഉദ്ഘാടനംചെയ്തു. തുഞ്ചൻപറമ്പിൽ സംഘടിപ്പിച്ച ചടങ്ങിൽ നാടകമേളയുടെ ലോഗോ പി നന്ദകുമാർ എംഎൽഎ ഡോ. ശ്രീകുമാറിന് നൽകി പ്രകാശിപ്പിച്ചു. ആക്ട് വൈസ് പ്രസിഡന്റ് പി ശശിധരൻ അധ്യക്ഷനായി. എസ് ത്യാഗരാജൻ, മനോജ് ജോസ്, എം കെ അനിൽകുമാർ, അഡ്വ. എം വിക്രമകുമാർ, പ്രേമചന്ദ്രൻ, സി രമേശ്, സന്തോഷ് മേനോൻ, തൈസീർ മുഹമ്മദ് എന്നിവർ സംസാരിച്ചു. Read on deshabhimani.com