നിർമാണത്തൊഴിലാളികൾ ധർണ നടത്തി
കൊട്ടാരക്കര നിർമാണത്തൊഴിലാളികൾ കൊട്ടാരക്കര ഹെഡ്പോസ്റ്റ്‌ ഓഫീസിനു മുന്നിൽ ധർണ നടത്തി. നിർമാണത്തൊഴിലാളികളുടെ പെൻഷൻ സാമ്പത്തികബാധ്യത കേന്ദ്രസർക്കാർ ഏറ്റെടുക്കുക, 1996ലെ നിർമാണത്തൊഴിലാളി ക്ഷേമനിധി സെസ് നിയമം സംരക്ഷിക്കുക, സിമന്റ്, കമ്പി തുടങ്ങിയവയുടെ വിലക്കയറ്റം തടയുക, തൊഴിലാളി കുടുംബങ്ങൾക്ക് പ്രതിമാസം 7500 രൂപയും 10 കിലോ ഭക്ഷ്യധാന്യവും നൽകുക തുടങ്ങിയ ആവശ്യങ്ങളുന്നയിച്ച്‌ കൺസ്ട്രക്‌ഷൻ വർക്കേഴ്സ് ഫെഡറേഷൻ ഓഫ് ഇന്ത്യ (സിഐടിയു) നേതൃത്വത്തിലായിരുന്നു ധർണ.സിഐടിയു സംസ്ഥാന കമ്മിറ്റി അംഗം മുരളി മടന്തകോട് ഉദ്ഘാടനംചെയ്തു. ജില്ലാ ജോയിന്റ് സെക്രട്ടറി വി രവീന്ദ്രൻനായർ, ഏരിയ പ്രസിഡന്റ് എം ബാബു, സെക്രട്ടറി സി മുകേഷ്, ജി ഉദയകുമാർ, ഷാജി, ആർ പ്രേമചന്ദ്രൻ, വല്ലം മോഹനൻ, സുരേഷ് പരുത്തിയറ, ടി വിജയൻ, എം ചന്ദ്രൻ എന്നിവർ സംസാരിച്ചു. Read on deshabhimani.com