അർബുദ ബാധിതയ്ക്ക് സ്നേഹസ്പർശവുമായി കെഎസ്ആർടിഇഎ
നെയ്യാറ്റിൻകര നെയ്യാറ്റിൻകര ഡിപ്പോയിലെ കെഎസ്ആർടിസി ഡ്രൈവർ ആർ ഷിബുവിന്റെ അർബുദ രോഗബാധിതയായി ചികിത്സയിൽ കഴിയുന്ന മാതാവിന് എംപ്ലോയീസ് അസോസിയേഷന്റെ സ്നേഹസ്പർശം. അഴീക്കോടൻ രാഘവന്റെ നാമധേയത്തിൽ അസോസിയേഷൻ ഏർപ്പെടുത്തിയ സ്പർശം പദ്ധതി പ്രകാരം അനുവദിച്ച ഇരുപത്തി അയ്യായിരം രൂപ അസോസിയേഷൻ സംസ്ഥാന ഓർഗനൈസിങ് സെക്രട്ടറി സുശീലൻ മണവാരി കൈമാറി. ആർ വി സലൂജ, എൻകെ രഞ്ജിത്ത്, ജി ജിജോ, എസ്എസ് സാബു, എസ്എൽ പ്രശാന്ത്, അഭിലാഷ്, കെസി വിപിൻദാസ് തുടങ്ങിയവർ പങ്കെടുത്തു. Read on deshabhimani.com