എൽഡിഎഫ്‌ സർക്കാരിന്റെ രണ്ടാംവാർഷികാഘോഷങ്ങൾക്ക്‌ തുടക്കം
കൊച്ചി മുഖ്യമന്ത്രി പിണറായി വിജയൻ നയിക്കുന്ന രണ്ടാം എൽഡിഎഫ്‌ സർക്കാരിന്റെ രണ്ടാംവാർഷികാഘോഷങ്ങൾക്ക്‌ മറൈൻഡ്രൈവ്‌ മൈതാനത്ത്‌ ഗംഭീര തുടക്കം. ആഘോഷത്തിന്റെ സംസ്ഥാനതല ഉദ്ഘാടനവും എന്റെ കേരളം മെഗാപ്രദർശന വിപണനമേളയുടെ ഉദ്ഘാടനവും മുഖ്യമന്ത്രി നിർവഹിച്ചു. ഉദ്ഘാടന സമ്മേളനത്തിൽ വ്യവസായമന്ത്രി പി രാജീവ്‌ അധ്യക്ഷനായി. മന്ത്രിമാരായ റോഷി അഗസ്റ്റിൻ, കെ രാധാകൃഷ്‌ണൻ, അഹമ്മദ് ദേവർകോവിൽ, ആന്റണി രാജു, മേയർ എം അനിൽകുമാർ, എംഎൽഎമാരായ രാമചന്ദ്രൻ കടന്നപ്പള്ളി, കെ ജെ മാക്‌സി, കെ എൻ ഉണ്ണിക്കൃഷ്‌ണൻ, ആന്റണി ജോൺ, പി വി ശ്രീനിജിൻ തുടങ്ങിയവർ സന്നിഹിതരായി. ചീഫ്‌ സെക്രട്ടറി വി പി ജോയി സ്വാഗതം പറഞ്ഞു. വികസന, ക്ഷേമപ്രവർത്തനങ്ങളിൽ സംസ്ഥാന സർക്കാർ കൈവരിച്ച മികവും നേട്ടങ്ങളും അവതരിപ്പിക്കുന്നതാണ്‌ എട്ടുവരെ നീളുന്ന എന്റെ കേരളം പ്രദർശന–-വിപണന മേള. യുവതയുടെ കേരളം, കേരളം ഒന്നാമത് എന്ന വിഷയത്തെ ആസ്പദമാക്കിയാണ് മേള ആവിഷ്‌കരിച്ചിരിക്കുന്നത്. Read on deshabhimani.com