അമേരിക്കയില്‍ മലയാളി യുവതി വെടിയേറ്റ് മരിച്ചു
തിരുവല്ല> നിരണം സ്വദേശിനിയായ 19 കാരി അമേരിക്കയില്‍ അയല്‍വാസിയുടെ വെടിയേറ്റ് മരിച്ചു. നിരണം വടക്കും ഭാഗം ഇടപ്പളളി പറമ്പില്‍ വീട്ടില്‍ ബോബന്‍ മാത്യു - ബിന്‍സി ദമ്പതികളുടെ മകള്‍ മറിയം സൂസന്‍ മാത്യു ആണ് മരിച്ചത്. അലബാമയിലെ വീട്ടില്‍ തിങ്കളാഴ്ച വൈകിട്ടോടെയായിരുന്നു സംഭവം. മറിയത്തിന്റെ വീടിന് മുകള്‍ നിലയില്‍ താമസിക്കുന്ന ആളാണ് വെടിയുതിര്‍ത്തത്. വീടിന്റെ സീലിംഗ് തുളച്ചെത്തിയ വെടിയുണ്ട ഉറങ്ങിക്കിടന്നിരുന്ന മറിയത്തിന്റെ ശരീരത്തില്‍ കയറുകയായിരുന്നു. നടപടികള്‍ പൂര്‍ത്തിയാക്കി മൃതദേഹം നാട്ടിലെത്തിക്കും. Read on deshabhimani.com