കുഫോസ്: ഡോ.എം.റോസലിൻഡ് ജോർജിന്‌ ചുമതല നൽകി ഗവർണർ
തിരുവനന്തപുരം> കേരള ഫിഷറീസ് സർവ്വകലാശാല (കുഫോസ്) വൈസ്‌ ചാൻസലറുടെ ചുമതല ഡോ.എം.റോസലിൻഡ് ജോർജിന്‌ നൽകി ചാൻസലർ കൂടിയായ ഗവർണർ ആരിഫ്‌ മൊഹമ്മദ്‌ ഖാൻ ഉത്തരവിട്ടു. ഗവർണർ സർവകലാശാലയിൽ നിന്ന്‌ ശേഖരിച്ച പത്ത്‌ വർഷം സർവീസുള്ളവരുടെ പട്ടികയിൽ നിന്നാണ്‌ നിയമനം. സർക്കാരിൽ നിന്ന്‌ പേര്‌ ചോദിച്ചിരുന്നില്ല. വി സി ആയിരുന്ന ഡോ. റെജി ജോണിന്റെ നിയമന നടപടി ചട്ടപ്രകാരമല്ലെന്ന്‌ ചൂണ്ടിക്കാണിച്ച്‌ ഹൈക്കോടതി നിയമനം റദ്ദാക്കിയതിനെ തുടർന്നാണ്‌ പകരം ചുമതല നൽകിയത്‌. ഈ വിധിക്കെതിരെ റെജി ജോണിന്റെ ഹർജി സുപ്രീംകോടതി ഫയലിൽ സ്വീകരിച്ചിരുന്നു. കുഫോസിന്റേയും യുജിസി യുടേയും ചട്ടമനുസരിച്ചാണ്‌ ചാർജ്‌ കൈമാറിയിട്ടുള്ളതെന്ന്‌ രാജ്‌ഭവൻ പത്രക്കുറിപ്പിൽ പറഞ്ഞു. Read on deshabhimani.com