മുഖ്യമന്ത്രി യൂറോപ്പിലേക്ക് പുറപ്പെട്ടു
തിരുവനന്തപുരം> മുഖ്യമന്ത്രി പിണറായി വിജയൻ ചൊവ്വാഴ്ച യൂറോപ്പിലേക്ക് പുറപ്പെട്ടു. ചൊവ്വ പുലർച്ചെ 3.45ന് നെടുമ്പാശേരി വിമാനത്താവളത്തിൽ നിന്നാണ് നോർവേയുടെ തലസ്ഥാനമായ ഒസ്ലോയിലേക്ക് പുറപ്പെട്ടത്. സംസ്ഥാനത്തിന്റെ വിദ്യാഭ്യാസ, വ്യവസായ മേഖലകളുടെ പുരോഗതി ലക്ഷ്യമിട്ടാണ് യൂറോപ്പ് സന്ദർശനം. നോർവേക്ക് പുറമേ മുൻനിശ്ചയിച്ച പ്രകാരം ഇംഗ്ലണ്ടും വെയിൽസും സന്ദർശിക്കും. ഒക്ടോബർ ഒന്നിനാണ് നേരത്തെ യാത്ര നിശ്ചയിച്ചിരുന്നത്. സിപിഐ എം പൊളിറ്റ്ബ്യൂറോ അംഗം കോടിയേരി ബാലകൃഷ്ണന്റെ നിര്യാണത്തെ തുടർന്ന് യാത്രമാറ്റുകയായിരുന്നു. Read on deshabhimani.com