അക്ഷയകേന്ദ്രത്തിനെതിരെ പരാതി
മഞ്ഞപ്ര ചന്ദ്രപ്പുരയിലെ ഇകെഎം 031–-ാം അക്ഷയ കേന്ദ്രത്തിൽനിന്ന്‌ പൊതുജനങ്ങൾക്ക് സുതാര്യവും ഫലപ്രദവുമായ സേവനം ഉറപ്പാക്കാൻ അക്ഷയ ചീഫ് കോ–-ഓർഡിനേറ്റർകൂടിയായ ജില്ലാ കലക്ടർ ഇടപെടണമെന്ന് സിപിഐ എം ലോക്കൽ സെക്രട്ടറി ഐ പി ജേക്കബ് ആവശ്യപ്പെട്ടു. കേന്ദ്രത്തിനെതിരെ വ്യാപകമായ പരാതിയുണ്ട്‌. അമിതവില ഈടാക്കുക, യഥാസമയം സേവനങ്ങൾ ലഭ്യമാക്കാതിരിക്കുക, തെറ്റായ വിവരങ്ങൾ നൽകുക തുടങ്ങിയ പരാതികളാണുള്ളത്. മസ്റ്ററിങ് സംവിധാനം അക്ഷയ വഴി നടപ്പാക്കിയപ്പോൾ ഇതിന് തയ്യാറാകാതിരുന്ന കേന്ദ്രമാണിത്. പാസ്‌പോർട്ടുകളെടുക്കുന്നതിന് അമിതവില ഈടാക്കുന്നതും പതിവാണ്. Read on deshabhimani.com