എസി റോഡിൽ ഫ്ലൈഓവറുകളുടെ പ്രവൃത്തി; 3 ദിവസം ഗതാഗതനിയന്ത്രണം
ആലപ്പുഴ > എസി റോഡ്‌ നവീകരണത്തിന്റെ ഭാഗമായി നിർമിക്കുന്ന ഫ്ലൈഓവറുകളുടെ പ്രവൃത്തികൾ നടക്കുന്നതിനാൽ ബുധൻ, വ്യാഴം, വെള്ളി ദിവസങ്ങളിൽ ഗതാഗതനിയന്ത്രണം ഏർപ്പെടുത്തി. മങ്കൊമ്പ് ഫ്ലൈഓവറിന്റെ ഡയഫ്രം കോൺക്രീറ്റിങ്‌ ബുധൻ രാത്രി 9.30 മുതൽ 12 വരെ നടത്തും. ഈ സമയത്ത് വാഹനങ്ങൾ തിരുവല്ല-–- അമ്പലപ്പുഴവഴി ആലപ്പുഴയ്‌ക്കും ആലപ്പുഴയിൽനിന്ന്‌ അമ്പലപ്പുഴ-–-തിരുവല്ല വഴിയും പോകണം. പണ്ടാരക്കളം ഫ്ലൈഓവറിന്റെ ഗർഡർ കോൺക്രീറ്റിങ്‌ വ്യാഴം പകൽ രണ്ടുമുതൽ മൂന്നുവരെയും സ്ലാബ് കോൺക്രീറ്റിങ്‌ രാത്രി ഒമ്പതുമുതൽ വെള്ളി രാവിലെ ആറുവരെയും നടത്തും. ഈ സമയത്ത് വാഹനങ്ങൾ പെരുന്ന-–-തിരുവല്ല-–-അമ്പലപ്പുഴ വഴിയോ പൂപ്പള്ളി-–-ചമ്പക്കുളം–എസ്എൻ കവല വഴിയോ ആലപ്പുഴയ്‌ക്കും ആലപ്പുഴയിൽനിന്ന്‌ അമ്പലപ്പുഴ–-തിരുവല്ല വഴിയോ എസ്എൻ കവല–--ചമ്പക്കുളം– പൂപ്പള്ളി വഴിയോ പോകണമെന്ന്‌ അധികൃതർ അറിയിച്ചു. Read on deshabhimani.com