ഐസിഎആർ–-എഐഇഇഎ ബിരുദ, പിജി പ്രവേശനപരീക്ഷ
കൊച്ചി രാജ്യത്തെ കാർഷിക സർവകലാശാലകളിൽ കാർഷിക, കാർഷിക അനുബന്ധ ബിരുദ, പിജി കോഴ്‌സുകളിൽ 15 ശതമാനം അഖിലേന്ത്യ ക്വോട്ട പ്രവേശനത്തിനുള്ള പരീക്ഷയ‌്ക്ക‌് ഇപ്പോൾ അപേക്ഷിക്കാം. ഐസിഎആർ–-എഐഇഇഎ (യുജി), ഐസിഎആർ–-എഐഇഇഎ (പിജി), ഐസിഎആർ–-എഐഇഇഎ–-ജെആർഎഫ‌്/എസ‌്ആർഎഫ‌്(പിജിഎസ‌്) പരീക്ഷകൾക്കാണ‌് അപേക്ഷ ക്ഷണിച്ചത‌്. ഐസിഎആർ–-എഐഇഇഎ (യുജി) കോഴ്‌സുകൾ: ബി‌എസ‌്സി അഗ്രികൾച്ചർ/ഹോർട്ടികൾച്ചർ/ഫോറസ‌്ട്രി/കമ്മ്യൂണിറ്റി സയൻസ‌്/സെറികൾച്ചർ. ബാച്ചിലർ ഓഫ‌് ഫിഷറീസ‌് സയൻസ‌് (ബിഎഫ‌്എസ‌്സി). ബിടെക‌് അഗ്രികൾച്ചറൽ എൻജിനിയറിങ‌്, ഡയറി ടെക‌്നോളജി, ബയോടെക‌്നോളജി, ഫുഡ‌് ടെക‌്നോളജി, ഫുഡ‌് ടെക‌്നോളജി. ബാച്ചിലർ ഓഫ‌് ഫുഡ‌് ന്യൂട്രിഷ്യൻ . ഐസിഎആർ–-എഐഇഇഎ (യുജി) യോഗ്യത: അപേക്ഷിക്കുന്ന കോഴ‌്സനുസരിച്ച‌് ഫിസിക‌്സ‌്, കെമിസ‌്ട്രി, ബയോളജി/ മാത്തമാറ്റിക‌്സ‌്/അഗ്രികൾച്ചർ എന്നിവയിൽ മുന്ന‌് വിഷയങ്ങൾ പഠിച്ച‌് പ്ലസ‌്ടു പാസായിരിക്കണം. അല്ലെങ്കിൽ അവസാനവർഷ പരീക്ഷ എഴുതുന്നവരായിരിക്കണം. കുറഞ്ഞത്‌ 50 ശതമാനം മാർക്ക് വേണം. എസ‌്സി/എസ‌്ടി, ഭിന്നശേഷി വിഭാഗത്തിന‌് 40 ശതമാനം മാർക്ക് വേണം. 2019 ആഗസ‌്ത‌് 31ന‌് കുറഞ്ഞ പ്രായം 16 വയസ‌്. ഇതോടൊപ്പം ഐസിഎആർ–-എഐഇഇഎ (പിജി), ഐസിഎആർ–-എഐഇഇഎ–-ജെആർഎഫ‌്/എസ‌്ആർഎഫ‌്(പിജിഎസ‌്) പ്രവേശനപരീക്ഷയ്‌ക്കും അപേക്ഷ ക്ഷണിച്ചിട്ടുണ്ട്‌. www.ntaicar.nic.in വെബ‌്സൈറ്റിലൂടെ ഓൺലൈനായി ഏപ്രിൽ 30 വരെ അപേക്ഷിക്കാം. Read on deshabhimani.com