കാർത്തിയുടെ ഇരുപത്തി അഞ്ചാമത്തെ സിനിമ ജപ്പാൻ ചെന്നൈയിൽ തുടക്കമായി
ചെന്നൈ :ഹാട്രിക് വിജയം നേടിയ ' വിരുമൻ ', ' പൊന്നിയിൻ സെൽവൻ ' , ' സർദാർ ' തുടങ്ങിയ ചിത്രങ്ങൾക്ക് ശേഷം കാർത്തിയുടെ ഇരുപത്തി അഞ്ചാമത്തെ സിനിമയായ ജപ്പാന് ഇന്ന് ചെന്നൈയിൽ തുടക്കം കുറിച്ചു. രാജു മുരുകൻ രചനയും സംവിധാനവും നിർവഹിക്കുന്ന സിനിമയിൽ കാർത്തിയുടെ നായികയാവുന്നത് മലയാളിയായ അനു ഇമ്മാനുവലാണ്. ' ശകുനി ', ' കാഷ്മോര ', ' ധീരൻ അധികാരം ഒന്ന് ', ' കൈതി ', ' സുൽത്താൻ ' എന്നീ അഞ്ച് കാർത്തി ഹിറ്റുകളുടെ തുടർച്ചയായി ഡ്രീം വാരിയർ പിക്ചർസ് നിർമ്മിക്കുന്ന, ആറാമത്തെ കാർത്തി ചിത്രമാണ് ' ജപ്പാൻ '. തെലുങ്കിൽ ഹാസ്യ നടനായി രംഗ പ്രവേശം ചെയ്ത് നായകനായും വില്ലനായും പ്രശസ്തനായ ' പുഷ്പ ' യിൽ ' മംഗളം സീനു ' എന്ന വില്ലൻ വേഷം ചെയ്ത് കയ്യടി നേടിയ നടൻ സുനിൽ തമിഴിൽ ചുവടു വെക്കുകയാണ്. ' ഗോലി സോഡ ', ' കടുക് ' എന്നീ സിനിമകൾ സംവിധാനം ചെയ്ത ഛായഗ്രാഹകൻ വിജയ് മിൽടനും പ്രധാന കഥാപാത്രത്തെ അവതരിപ്പിക്കുന്നു. ജീ. വി. പ്രകാശ് കുമാർ സംഗീത സംവിധായകനാകുന്നു. സംവിധായകൻ രാജു മുരുകൻ - കാർത്തി - ഡ്രീം വാരിയർ പിക്ചേഴ്സ് കൂട്ടു കെട്ടിൽ വരുന്ന ' ജപ്പാൻ ' ആരാധകരിലും സിനിമാ വൃത്തങ്ങളിലും ഏറെ പ്രതീക്ഷ നൽകുന്നു. നവംബർ 12 മുതൽ തൂത്തുക്കുടി, കേരളം എന്നിവിടങ്ങളിലായി ചിത്രീകരണം ആരംഭിക്കും. പി ആർ ഒ: സി. കെ. അജയ് കുമാർ. Read on deshabhimani.com