ഗാസ > ഗാസയിൽ 20 ദിവസം പ്രായമുള്ള ജുമാ അൽ-ബത്രാൻ എന്ന കുഞ്ഞു കൂടി മരവിച്ച് മരിച്ചു. അതി കഠിനമായ തണുപ്പും മഴയും തുടരുന്ന കാലാവസ്ഥയിൽ മരിക്കുന്ന അഞ്ചാമത്തെ കുഞ്ഞാണ് അൽ-ബത്രാൻ. അൽ-ബത്രയുടെ ഇരട്ട സഹോദരൻ ആശുപത്രിയിൽ അതിതീവ്രപരിചരണ വിഭാഗത്തിൽ ചികിത്സയിലാണെന്ന് ഗാസ ആരോഗ്യ മന്ത്രാലയം അറിയിച്ചു. ഞായറാഴ്ച ഉറക്കമുണർന്നപ്പോൾ തല "ഐസ് പോലെ തണുത്ത" നിലയിലാണ് മകനെ കണ്ടതെന്ന് ജുമയുടെ പിതാവ് യഹ്യ അൽ-ബത്രാൻ മാധ്യമങ്ങളോട് പറഞ്ഞു.
ഇസ്രായേൽ ബോംബാക്രമണം കാരണം അതി ശൈത്യകാലാവസ്ഥയിലും ഭവനരഹിതരാണ് ഗാസ നിവാസികൾ. നവജാത ശിശുക്കൾക്ക് തണുപ്പിൽ ആരോഗ്യത്തോടെ അതിജീവിക്കാനാകുന്നില്ല. കൂടാതെ തണുപ്പുകാലത്തെ ചെറുക്കുന്ന സെക്ടറുകളോ പുതപ്പോ പോലും ആളുകൾക്ക് ലഭ്യമല്ല.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
