ഇടുക്കി
ഇടുക്കി നിയോജക മണ്ഡലത്തിലെ വിവിധ പൊതുമരാമത്തു റോഡുകളുടെ നവീകരണത്തിനായി 6,54,97000 രൂപ അനുവദിച്ചതായി മന്ത്രി റോഷി അഗസ്റ്റിൻ അറിയിച്ചു. നിലവിൽ പൊതുമരാമത്തു വകുപ്പിന് കീഴിലുള്ളതും മറ്റ് വലിയ നിർമാണ പ്രവർത്തനങ്ങളിൽ ഉൾപ്പെടാത്തതുമായ റോഡുകളുടെ അറ്റകുറ്റ പണികൾക്കാണ് തുക അനുവദിച്ചിട്ടുള്ളത്.
വാത്തികുടി–- പതിനാറാംകണ്ടം–- മുരിക്കാശേരി റോഡ്, പതിനാറാംകണ്ടം–- പ്രകാശ് റോഡ്, ചേലച്ചുവട് –- പെരിയാർവാലി–- മുരിക്കാശേരി റോഡ്, ഒടക്ക്സിറ്റി –-ഗൗരി സിറ്റി പതിനാറാംകണ്ടം –-ഉപ്പുതോട് റോഡ് എന്നിവക്കായി 84.13 ലക്ഷം രൂപ അനുവദിച്ചു .
കട്ടപ്പന മുനിസിപ്പാലിറ്റിയിലെ മുളകരമേട്‌–- മന്തികാനം–- വെള്ളയാംകുടി റോഡ്, വെള്ളയാംകുടി–- കുരിശുപാറ–- നാങ്കുതൊട്ടി റോഡ്, എസ് എൻ ജങ്ഷൻ–- വലിയപ്പാറ–- മൂന്നാനപ്പള്ളി റോഡ് എന്നിവക്കായി 62 ലക്ഷം രൂപയും
മരിയാപുരം പഞ്ചായത്തിലെ തടിയമ്പാട്–- വിമലഗിരി ശാന്തിഗ്രാം റോഡ്, താഴത്തു നിലീവയൽ–- ഉദയഗിരി നീലിവയൽ റോഡ്, പൂവത്തുംക്കവല ഒടക്ക് സിറ്റി എന്നിവക്കായി 80 ലക്ഷം രൂപയും അനുവദിച്ചു.
കരിമ്പൻ–- മുരിക്കാശേരി റോഡ്, ചുരുളി–- ആൽപ്പാറ ഉമ്മൻ ചാണ്ടി കോളനി കഞ്ഞിക്കുഴി–- തെക്കേമല റോഡ്, തോപ്രാംകുടി–- ഞാറക്കവല ഈട്ടിത്തോപ്പ് റോഡ്, കൊമ്പൊടിഞ്ഞാൽ മരക്കാനം –- കൊന്നത്തടി അഞ്ചാം മൈൽ റോഡ് എന്നിവക്കായി 99.55 ലക്ഷം രൂപയും കമ്പിളികണ്ടം–- തിങ്കൾകാട് റോഡ് വെള്ളത്തൂവൽ–- കൊന്നത്തടി റോഡ് എന്നിവക്കായി 67.80 ലക്ഷം രൂപയും,തടിയംപാട് കുതിരക്കല്ല്–- മരിയാപുരം റോഡ്, മരിയാപുരം–- പൂവത്തിങ്കൽ കവല റോഡിനുമായി 40.65 ലക്ഷം രൂപയും അനുവദിച്ചു. ഇതോടൊപ്പം പഴയരികണ്ടം–- പോന്നൊരുത്തൻ പട്ടയക്കുടി റോഡ്, പുളിക്കത്തൊട്ടി–- വെണ്മണി റോഡ് , തള്ളകാനം–- മങ്കുവ ചിന്നാർ റോഡ്, കമ്പിളികണ്ടം–- പനംകൂട്ടി റോഡ് എന്നിവയുടെ നവീകരണത്തിനായി 44.29 ലക്ഷം രൂപയും അനുവദിച്ചിട്ടുണ്ട് .
ഇടുക്കി നേര്യമംഗലം റോഡിന്റെ നവീകരണത്തിനായി 86.55 ലക്ഷം രൂപയാണ് അനുവദിച്ചിട്ടുള്ളത്. അതോടൊപ്പം കട്ടപ്പന–- പാറക്കടവ് ജ്യോതിസ് ബൈപാസ് റോഡ്, കട്ടപ്പന ദീപിക ജങ്ഷൻ–- ഗുരുമന്ദിരം റോഡ്, കട്ടപ്പന–-- പള്ളിക്കവല സ്‌കൂൾ കവല റോഡ്, കട്ടപ്പന–- ഇരട്ടയാർ റോഡ്, ഇരട്ടയാർ –-ശാന്തിഗ്രാം റോഡ് എന്നിവയുടെ നവീകരണത്തിനായി 40 ലക്ഷം രൂപയും നീക്കിവച്ചിട്ടുണ്ട്. നിരപ്പേൽകട–- ആനകുത്തി പൂവേഴ്സ് മൗണ്ട് ചക്കകാനം റോഡ്, എസ് എൻ ജങ്ഷൻ പേഴുംകവല റോഡ്, കാൽവരി മൗണ്ട്–- തങ്കമണി റോഡ് എന്നിവക്കായി 50 ലക്ഷം രൂപയും എന്നിങ്ങനെ ആകെ 6.55 കോടി രൂപയാണ് അനുവദിച്ചിട്ടുള്ളത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
