‘മോദി'യെക്കുറിച്ചുള്ള ഖുശ്ബുവിന്റെ പഴയ ട്വീറ്റ് വൈറൽ
ന്യൂഡൽഹി> രാഹുൽ ഗാന്ധിയുടെ ലോക്‌‌‌സഭാ അംഗത്വം റദ്ദാക്കിയതിനു പിന്നാലെ ബിജെപി നേതാവും നടിയുമായ ഖുശ്ബു സുന്ദർ നരേന്ദ്ര മോദിയെ കളിയാക്കിയി‌ട്ട പഴയ ട്വീറ്റ് വീണ്ടും ചർച്ചയാകുന്നു. ‘മോദി എന്നതിന്റെ അർഥം അഴിമതിയെന്നാക്കുന്നതാണ് നല്ലത്. നീരവ്, ലളിത്, നമോ = അഴിമതി' എന്നായിരുന്നു ഖുശ്ബുവിന്റെ 2018ലെ ട്വീറ്റ്. അതേസമയം, കോൺഗ്രസിലായിരുന്നപ്പോൾ ചെയ്‌ത ട്വീറ്റിനെ സംബന്ധിച്ച് തനിക്ക് നിരാശയില്ലെന്ന് ഖുശ്ബു പ്രതികരിച്ചു. കോൺഗ്രസിന്റെ നിലപാടാണ് താൻ അന്ന് പിന്തുടർന്നതെന്നും ഖുശ്ബു പറഞ്ഞു. ഡിഎംകെയിൽ നിന്നും കോൺഗ്രസിൽ എത്തിയ ഖുശ്ബു 2020ലാണ് ബിജെപിയിൽ ചേർന്നത്. Read on deshabhimani.com