തിരുവനന്തപുരം > അന്തർദേശീയ വനിതാ ദിനത്തിൻറെ ഭാഗമായി ടെക്നോപാർക്കിൽ വനിത ഐ ടി ജീവനക്കാരുടെ രക്തദാന ക്യാമ്പും മെഡിക്കൽ ക്യാമ്പും സംഘടിപ്പിച്ചു. ടെക്നോപാർക്കിലെ തേജസ്വിനി ബിൽഡിങ്ങിൽനടന്ന രക്തദാന ക്യാമ്പ് മേയർ വി കെ പ്രശാന്ത് ഉത്ഘാടനം ചെയ്തു. വിവിധ കമ്പനികളിൽ നിന്നും രക്തദാനത്തിന് സന്നദ്ധരായി വന്ന 88 വനിതാ ടെക്കികളിൽ നിന്നും 37 പേർ രക്തം ദാനംചെയ്തു.
മെഡിക്കൽ ക്യാമ്പിൽ ഡയറ്റ് കൗൺസിലിങ് , ഐ ടെസ്റ്റ് , ബി പി & ബി എം ഐ ചെക്കപ്പ് , ബ്ലഡ് സ്ക്രീനിംഗ് ടെസ്റ്റ് അതോടൊപ്പം വിവിധ മെഡിക്കൽ ഡിപ്പാർട്ട് മെൻറുകളും പങ്കെടുത്തു. മെഡിക്കൽ ക്യാമ്പിൽ നോൺ ഐ ടി വനിതാ ജീവനക്കാരും പങ്കെടുത്തു
ഇ വിറ്റ് , പ്രതിധ്വനി വനിതാ ഫോറം , ടാർമോ പെൻപോൾ , ഹിന്ദുസ്ഥാൻ ലാറ്റക്സ് ലിമിറ്റഡ് , തേജസ്സ് , ശ്രീ ചിത്ര ഇൻസ്റ്റിറ്റിയൂട്ട് ഓഫ് മെഡിക്കൽ സയൻസ് എന്നീ സംഘടനകളുടെ ആഭിമുഖ്യത്തിലായിരുന്നു അന്താരാഷ്ട്ര വനിതാ ദിനാചരണത്തിൻറെ ഭാഗമായുള്ള ക്യാമ്പുകൾ സംഘടിപ്പിച്ചത്
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..