29 March Friday

പെൻഷൻ അട്ടിമറി: ഫ്രാൻസിൽ രോഷമിരമ്പി

വെബ് ഡെസ്‌ക്‌Updated: Wednesday Feb 8, 2023


പാരിസ്‌
പെൻഷൻ സംവിധാനം അട്ടിമറിക്കാനുള്ള ഫ്രഞ്ച്‌ സർക്കാർ തീരുമാനത്തിനെതിരെ തൊഴിലാളി സംഘടനകളുടെ പ്രതിഷേധം രൂക്ഷമായി. തിങ്കളാഴ്ച ബിൽ പാർലമെന്റിൽ ചർച്ചയ്ക്കെടുത്തതോടെയാണ്‌ തൊഴിൽസംഘടനകൾ മൂന്നാംവട്ട ദേശീയ പണിമുടക്കിലേക്ക്‌ കടന്നു. പൊതുഗതാഗത, സ്കൂൾ, വൈദ്യുത, എണ്ണ–- ഗ്യാസ്‌ വിതരണ മേഖലകൾ സ്തംഭിച്ചു. കഴിഞ്ഞയാഴ്ചത്തെ പ്രതിഷേധത്തിൽ 12.7 ലക്ഷം തൊഴിലാളികൾ പങ്കെടുത്തിരുന്നു. രാജ്യത്തെ എട്ട്‌ പ്രധാന തൊഴിൽസംഘടനകളാണ്‌ ദേശീയ പണിമുടക്കിന്‌ ആഹ്വാനം ചെയ്തത്‌.
റെയിൽ തൊഴിലാളികൾ വ്യാപകമായി പണിമുടക്കിയതോടെ ട്രെയിൻ ഗതാഗതവും താറുമാറായി. ബ്രിട്ടനിലേക്കും സ്വിറ്റ്‌സർലൻഡിലേക്കുമുള്ള സർവീസുകളെയും പാരിസ്‌ മെട്രോ സർവീസിനെയും സമരം സാരമായി ബാധിച്ചു. ബില്ലിൽ ചൂപിടിച്ച ചർച്ചകളാണ്‌ പാർലമെന്റിൽ നടന്നത്‌. ഒറ്റ ദിവസംകൊണ്ട്‌ 20,000ലധികം ഭേദഗതി നിർദേശങ്ങൾ ഉയർന്നു. ഇടതുപക്ഷ മുന്നണിയായ ന്യൂപ്‌സാണ്‌ കൂടുതൽ ഭേദഗതികൾ നിർദേശിച്ചത്‌.

2030ഓടെ വിരമിക്കൽ പ്രായം 62ൽനിന്ന്‌ 64 ആക്കുന്നതാണ്‌ പുതിയ ബിൽ. സർവീസിൽ 43 വർഷം പൂർത്തിയായവർക്കുമാത്രം പൂർണ പെൻഷൻ എന്നതുൾപ്പെടെയുള്ള തൊഴിലാളിവിരുദ്ധ നിർദേശങ്ങളാണ്‌ ജീവനക്കാരുടെ അമർഷം ക്ഷണിച്ചുവരുത്തിയിരിക്കുന്നത്‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top