കാബൂൾ
അഫ്‌ഗാനിലെ ഗുരുദ്വാരയ്‌ക്ക്‌ സമീപം ബോംബ്‌ സ്‌ഫോടനം. കാബൂളിലെ കർതേ പർവാൻ ഗുരുദ്വാരയ്‌ക്ക്‌ സമീപം കടയിലാണ്‌ ബുധനാഴ്‌ച സ്‌ഫോടനമുണ്ടായത്‌. സിഖുകാരനായ ഹർജീത്‌ സിങ്ങിന്റെ കടയാണിത്‌. ആളപായമില്ല. ടൈം ബോംബാണ്‌ ഉപയോഗിച്ചതെന്നും ഈ സമയം കടയിൽ ആരുമില്ലാതിരുന്നതിനാൽ വൻ അപകടം ഒഴിവായെന്നും ഹർജീത്‌ സിങ്‌ പറഞ്ഞു.
കഴിഞ്ഞ ജൂൺ 18ന്‌ ഗുരുദ്വാരയിലുണ്ടായ ആക്രമണത്തിൽ രണ്ട്‌ പേർ കൊല്ലപ്പെട്ടിരുന്നു. ഐസ്‌ ഖൊരസാൻ ഘടകമായിരുന്നു ആക്രമണത്തിന്‌ പിന്നിൽ. താലിബാൻ അധികാരമേറ്റതിനുപിന്നാലെ രാജ്യത്തെ ന്യൂനപക്ഷങ്ങൾക്കുനേരെ ആക്രമണം പതിവാണ്‌.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
