തിരുവനന്തപുരത്ത്‌> സംസ്ഥാനത്ത് ഇന്നും നാളെയും ഇടിമിന്നലോട് കൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം പുറത്തിറക്കിയ ജാഗ്രത സന്ദേശത്തില്‍ പറയുന്നു.രണ്ട് ദിവസം നിര്‍ണ്ണായകമെന്നും കാലാവസ്ഥ വിദഗ്ദ്ധര്‍.കടലിൽപോകുന്നവർ ജാഗ്രത പാലിക്കണം . കേരളമടക്കം പത്ത്‌ സംസഥാനങ്ങൾക്കാണ്‌ ജാഗ്രത നിർദ്ദേശം നൽകിയത്‌.
എട്ടാം തിയതി വരെ രാജ്യത്ത് കാലാവസ്ഥ വ്യതിയാനം രൂക്ഷമായിരിക്കുമെന്നും കാലാവസ്ഥ നീരിക്ഷണകേന്ദ്രം അറിയിച്ചു. കേരളത്തിലെ അന്തരീക്ഷത്തില്‍ പൊടികാറ്റിന് സാധ്യതയില്ലെങ്കിലും ശക്തമായ ഇടിമിന്നലോട് കൂടി മഴ പെയ്യും. .
കേരളത്തില്‍ നിന്ന് മാറി ലക്ഷദീപിന് സമീപം കടലില്‍ ചുഴലിക്കാറ്റിനുള്ള സാധ്യതയുമുണ്ടെന്ന്‌ കാലാവസ്ഥ നിരീക്ഷണ കേന്ദ്രം അറിയിച്ചു. ഇത് വടക്കന്‍ കര്‍ണ്ണാടക, മറാത്തവാഡാ,ദക്ഷിണ മധ്യപ്രദേശിലെ ചില ഭാഗങ്ങളേയും ബാധിച്ചേയ്ക്കാം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
