കൊച്ചി
വാഹനപ്രേമികൾ വളരെ പ്രതീക്ഷയോടെ കാത്തിരിക്കുന്ന നിസ്സാന്റെ ഏറ്റവും പുതിയ എസ്യുവി മാഗ്നൈറ്റ് ഡിസംബർ രണ്ടിന് ഇന്ത്യൻ വിപണിയിൽ ഇറങ്ങും. നിസ്സാന്റെ പുതിയ എച്ച്ആർഎഒ ടർബോ എൻജിൻ കരുത്തോടുകൂടിയാണ് പൂർണമായും ഇന്ത്യയിൽ നിർമിക്കുന്ന ഈ എസ്യുവി എത്തുന്നത്. നിസ്സാന്റെ സിഗ്നേച്ചർ എക്സ്ട്രോണിക് സിവിടി, ക്രൂസ് കൺട്രോൾ, 360 ഡിഗ്രി എറൗണ്ട് വ്യൂ മിറർ, നിസാൻ കണക്ട് എന്നിവ ഉൾപ്പെടുന്ന മാഗ്നൈറ്റ് 1.0 ലിറ്റർ ബി4ഡി പെട്രോൾ, 1.0ലിറ്റർ എച്ച്ആർഎഒ പെട്രോൾ എംടി, സിവിടി എന്നീ വേരിയന്റുകളിൽ ലഭ്യമാകും.
നിസ്സാന്റെ ഇന്ത്യയിലെ എല്ലാ ഷോറൂമുകളിലും മാഗ്നൈറ്റ് ബുക്ക് ചെയ്യാം. ഇന്ത്യൻ വിപണിക്കായി പ്രത്യേകം നിർമിക്കുന്നതെന്ന് കമ്പനി അവകാശപ്പെടുന്ന ഈ വാഹനം ജാപ്പനീസ് എൻജിനിയറിങ് സാങ്കേതികവിദ്യയിലാണ് രൂപകൽപ്പന ചെയ്തിരിക്കുന്നത്.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..