ഒരു രൂപയ്‌ക്ക് എന്തുകിട്ടും? രക്തംപരിശോധിക്കാം എന്ന് ഇനി ധൈര്യമായി ഉത്തരം പറയാം. രക്തത്തിലെ ഹീമോഗ്ലോബിന്റെ അളവ് കണ്ടെത്താന്‍ ഇനി വെറും ഒരു രൂപയും ഒരു സ്മാര്‍ട്ട്ഫോണ്‍ ആപ്പും മതി. ഖരഗ്പുര്‍ ഐഐടിയിലെ പ്രൊഫസര്‍ സുമന്‍ ചക്രവര്‍ത്തിയുടെ നേതൃത്വത്തിലുള്ള ഗവേഷകസംഘമാണ് ചെലവ് കുറഞ്ഞതും അതീവ ലളിതവുമായ രക്തപരിശോധനാ സംവിധാനം ആവിഷ്കരിച്ചത്.
പ്രത്യേകതരം ഫില്‍ട്ടര്‍പേപ്പറും സ്മാര്‍ട്ട്ഫോണിലെ ആപ്പും മാത്രംമതി രക്തപരിശോധനയ്ക്ക്. രക്തഘടകങ്ങളുടെ തോത് ലളിതമായി മനസ്സിലാക്കാന്‍ സാധിക്കുംവിധം രാസപ്രവര്‍ത്തനം നടക്കുംവിധമുള്ള ഫില്‍ട്ടല്‍പേപ്പറുകളുടെ രൂപകൽപ്പനയിലാണ് ഐഐടിയിലെ ഗവേഷകരുടെ വൈദഗ്ധ്യം. ഫില്‍ട്ടര്‍ പേപ്പറില്‍നിന്ന്‌ ലഭിക്കുന്ന വിവരത്തിന്റെ അടിസ്ഥാനത്തില്‍ സ്മാര്‍ട്ട്ഫോണ്‍ ആപ് വിശദമായ റിപ്പോര്‍ട്ട് നല്‍കും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
