29 March Friday

ഉരസി നോക്കൂ... ജിമെയിൽ അക്കൗണ്ട്‌ മാറാം

വെബ് ഡെസ്‌ക്‌Updated: Friday Aug 30, 2019

ആന്‍ഡ്രോയിഡ് ഫോണുകളിലെ ജിമെയില്‍  ഉപയോക്താക്കള്‍ക്ക് പുതിയ ഫീച്ചര്‍ അവതരിപ്പിച്ച് ​ഗൂ​ഗിള്‍. ഒരു അക്കൗണ്ടില്‍നിന്ന് മറ്റൊരു അക്കൗണ്ടിലേക്ക് മാറാന്‍ ‘സ്വൈപ് ടു സ്വിച്ച്’ ഫീച്ചര്‍ ഉപയോ​ഗിച്ചാല്‍ മതി. പ്രൊഫൈൽ പിക്‌ചറില്‍ താഴേക്കും മുകളിലേക്കും സ്വൈപ്‌ ചെയ്താല്‍ അക്കൗണ്ട് മാറാന്‍ കഴിയും. ജിമെയിലിന്റെ പുതിയ അപ്ഡേറ്റില്‍ അവതരിപ്പിച്ച ഫീച്ചറിനൊപ്പം ആദ്യമായി ഡാര്‍ക്ക് മോഡിന്റെ സൂചനകളും നല്‍കിയിട്ടുണ്ട്.

ജിമെയില്‍ ആപ്പുമായി ഒന്നില്‍ കൂടുതല്‍ ജിമെയില്‍ അക്കൗണ്ടുകള്‍ ബന്ധിപ്പിച്ചവര്‍ക്കുമാത്രമേ ഇതിന്റെ പ്രയോജനം ലഭിക്കൂ. മാസങ്ങള്‍ക്കുമുമ്പുതന്നെ ഐഫോണില്‍ ജിമെയില്‍ ഈ ഫീച്ചര്‍ അവതരിപ്പിച്ചിരുന്നു. അതേസമയം, ഇന്ത്യയില്‍ ഇതുവരെ പുതിയ ഫീച്ചര്‍ ലഭ്യമായിട്ടില്ല.

ജിമെയിലിനൊപ്പം ഗൂ​ഗിളിന്റെ മറ്റ് ആപ്പുകളായ ​ഗൂഗിള്‍ കോണ്ടാക്ട്, ​ഗൂ​ഗിള്‍ മാപ്പ്, ​ഗൂ​ഗിള്‍ ഡ്രൈവ് എന്നിവയിലും സ്വൈപ് ടു സ്വിച്ച് ഫീച്ചര്‍ അവതരിപ്പിച്ചിട്ടുണ്ട്.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top