വെബ്‌സൈറ്റുകള്‍ ലോഡാകാതെ വരുന്ന അവസ്ഥ അഭിമുഖീകരിക്കാത്തവരുണ്ടാകില്ല. പലപ്പോഴും വില്ലന്‍ വേഗതക്കുറവ് തന്നെയായിരിക്കും. ഇനി വേഗം കുറഞ്ഞ വെബ്‌സൈറ്റാണ്‌ നമ്മൾ ഉപയോഗിക്കുന്നതെങ്കിൽ അക്കാര്യം ഗൂഗിള്‍ ക്രോം പറയും. അത്തരം വെബ്‌സൈറ്റുകള്‍ക്ക് ഗൂഗിള്‍ പ്രത്യേക ബാഡ്ജ്‌ നല്‍കാന്‍ ഒരുങ്ങുകയാണ്.
ഉപയോക്താവ് ഇന്റര്‍നെറ്റ് ഉപയോഗിക്കുന്ന ഉപകരണവും നെറ്റ്‌വര്‍ക്കുമെല്ലാം പരിഗണിച്ച്‌ വേഗത കണ്ടെത്താനാണ് ശ്രമം. മൊബൈല്‍ വെബ് പേജ് ഉപയോഗത്തിന്റെ ഏറ്റവും വലിയ ഉറവിടമാണ് ഗൂഗിള്‍. അതിനാല്‍ വേഗതക്കുറവിന്റെ പ്രശ്നങ്ങള്‍ പരിഹരിക്കാനുള്ള ശ്രമത്തിന്റെ ഭാഗമാണ് പുതിയ നീക്കം.
സാധാരണ പേജ് തുറക്കുമ്പോള്‍ കാണിക്കുന്ന ലോഡിങ് എന്നതിനൊപ്പം ‘പൊതുവേ വേഗത കുറഞ്ഞ പേജ്’ എന്ന സന്ദേശവും പ്രത്യക്ഷപ്പെടും. അതേസമയം വേഗതയുള്ള വെബ്‌സൈറ്റ് എന്ന്‌ സൂചിപ്പിക്കാന്‍ പച്ചസൂചിക മുകള്‍ഭാഗത്ത് നല്‍കും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
