24 October Sunday

ഐപിഎലിലും കോഹ്ലി ഇനി ക്യാപ്റ്റനാകില്ല

വെബ് ഡെസ്‌ക്‌Updated: Sunday Sep 19, 2021

photo credit icc twitter


അബുദാബി
വിരാട് കോഹ്-ലി ഐപിഎൽ ടീം റോയൽ ചലഞ്ചേഴ്സ് ബാംഗ്ലൂരിന്റെ ക്യാപ്റ്റൻ സ്ഥാനവുമൊഴിയുന്നു. ഈ സീസണിൽ നയിക്കും. അടുത്ത സീസൺ മുതൽ കളിക്കാരനായി തുടരുമെന്ന് കോഹ്-ലി ട്വിറ്ററിലൂടെ അറിയിച്ചു. വിരമിക്കുംവരെ ബാംഗ്ലൂർ കളിക്കാരനായിരിക്കുമെന്നും കോഹ്-ലി കുറിച്ചു.
ഇന്ത്യൻ ട്വന്റി–20 ടീമിന്റെ ക്യാപ്റ്റൻ സ്ഥാനത്തും തുടരില്ലെന്ന് കോഹ്-ലി അറിയിച്ചിരുന്നു. ഒക്ടോബറിൽ നടക്കുന്ന ട്വന്റ-–20 ലോകകപ്പിനുശേഷം സ്ഥാനമൊഴിയും.

2011 മുതൽ ബാംഗ്ലൂർ ടീമിന്റെ ക്യാപ്റ്റനാണ് കോഹ്-ലി. ടീമിന് കിരീടം നൽകാൻ കഴിഞ്ഞിട്ടില്ല. ജോലിഭാരം കൂടുന്നതിനാലാണ് ക്യാപ്റ്റൻ സ്ഥാനത്ത് മാറുന്നതെന്ന് കോഹ്-ലി വ്യക്തമാക്കിയിരുന്നു. ഇന്ത്യൻ ഏകദിന, ടെസ്റ്റ് ടീമിന്റെ ക്യാപ്റ്റനായി തുടരും.

ഐപിഎലിൽ കോഹ്-ലിയുടെ നേതൃത്വത്തിൽ ബാംഗ്ലൂർ ഇന്ന് കൊൽക്കത്ത നെെറ്റ് റൈഡേഴ്സിനെതിരെ ബാംഗ്ലൂർ ടീം ആദ്യ മത്സരത്തിന് ഇറങ്ങുകയാണ്. ഏഴ് മത്സരം പൂർത്തിയായപ്പോൾ പോയിന്റ് പട്ടികയിൽ മൂന്നാമതാണ് ബാംഗ്ലൂർ.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top