വനിതാ പ്രീമിയർ ക്രിക്കറ്റ്‌ ലീഗിൽ യുപി വാരിയേഴ്‌സ്‌ 
എലിമിനേറ്ററിൽ

മുംബൈ
ഗുജറാത്ത്‌ ജയന്റ്‌സിനെ മൂന്ന്‌ വിക്കറ്റിന്‌ തോൽപ്പിച്ച്‌ യുപി വാരിയേഴ്‌സ്‌ വനിതാ പ്രീമിയർ ക്രിക്കറ്റ്‌ ലീഗിൽ എലിമിനേറ്റർ ഉറപ്പാക്കി. സ്‌കോർ: ഗുജറാത്ത്‌ 6–-178, യുപി 7–-181 (19.5). മുംബൈ ഇന്ത്യൻസും ഡൽഹി ക്യാപിറ്റൽസും നേരത്തേ സ്ഥാനമുറപ്പിച്ചതാണ്‌. ഇതോടെ ബാംഗ്ലൂർ റോയൽ ചലഞ്ചേഴ്‌സും ഗുജറാത്ത്‌ ജയന്റ്‌സും പുറത്തായി. 

അവസാന രണ്ട്‌ ഗ്രൂപ്പ്‌ മത്സരങ്ങൾ ഇന്ന്‌ നടക്കും. മുംബൈ ഇന്ത്യൻസ്‌ ബാംഗ്ലൂർ റോയൽ ചലഞ്ചേഴ്‌സിനെയും യുപി ഡൽഹി ക്യാപിറ്റൽസിനെയും നേരിടും. ഗ്രൂപ്പ്‌ ജേതാക്കൾ 26ന്‌ നടക്കുന്ന ഫൈനലിലേക്ക്‌ നേരിട്ടെത്തും. രണ്ടും മൂന്നും സ്ഥാനക്കാർ 24ന്‌ നടക്കുന്ന എലിമിനേറ്ററിൽ ഏറ്റുമുട്ടി ഫൈനലിൽ കടക്കും.

ഗുജറാത്തിനെതിരായ മത്സരത്തിൽ യുപിയുടെ ഓസ്‌ട്രേലിയക്കാരി ഗ്രേസ്‌ ഹാരിസാണ്‌ കളിയിലെ താരം. 41 പന്തിൽ 72 റൺ നേടിയ ഗ്രേസ്‌ ഏഴ്‌ ഫോറും നാല്‌ സിക്‌സറുമടിച്ചു. തഹ്‌ലിയ മക്‌ഗ്രാത്ത്‌ 57 റണ്ണുമായി പിന്തുണച്ചു. അവസാന ഓവറിൽ ജയിക്കാൻ ഏഴ്‌ റൺ വേണ്ടിയിരുന്നു. സോഫി എക്ലസ്‌റ്റോൺ 19 റണ്ണുമായി വിജയത്തിലേക്ക്‌ നയിച്ചു. ഗുജറാത്തിനായി ആഷ്‌ലി ഗാർഡ്‌നറും(57) ഡി ഹേമലതയും(60) തിളങ്ങി.
രണ്ടാം മത്സരത്തിൽ മുംബെെയെ ഡൽഹി ഒമ്പത് വിക്കറ്റിന് തകർത്തു.

സ്കോർ: മുംബെെ 8–109 ഡൽഹി 1–110 (9)


പോയിന്റ്‌ പട്ടിക 
( ടീം, കളി, ജയം, തോൽവി, പോയിന്റ്‌)
ഡൽഹി           7 5 2 10
മുംബൈ        7 5 2 10
യുപി                  7 4 3 8
ബാംഗ്ലൂർ           7 2 5 4
ഗുജറാത്ത്‌      8 2 6 4

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..