ലണ്ടൻ
മുൻ ബാറ്റ്‌സ്‌മാൻ ജൊനാതൻ ട്രോട്ട്‌ ഇംഗ്ലീഷ്‌ ക്രിക്കറ്റ്‌ ടീമിന്റെ ബാറ്റിങ്‌ പരിശീലകനാകും. പാകിസ്ഥാനെതിരായ ടെസ്‌റ്റ്‌ പരമ്പരയിലാണ്‌ ട്രോട്ട്‌ പരിശീലകനായെത്തുക. പരമ്പരയ്‌ക്ക്‌ ബുധനാഴ്‌ച തുടക്കമാകും. മൂന്ന്‌ മത്സരങ്ങളാണ്‌.
2015ൽ വിരമിച്ച ട്രോട്ടിന്‌ 52 മത്സരങ്ങളിൽ 3835 റണ്ണുണ്ട്‌. 68 ഏകദിനവും കളിച്ചു.
ന്യൂസിലൻഡ് മുൻ സ്‌പിന്നർ ജീതൻ പട്ടേലും കൗണ്ടി ക്ലബ്‌ വാർവിക്‌ഷെർ പേസർ ഗ്രെയിം വെൽഷും ഇംഗ്ലണ്ടിന്റെ പരിശീലക സംഘത്തിലുണ്ട്‌.കോവിഡിനുശേഷം മൂന്നാമത്തെ പരമ്പരയാണ്‌ ഇംഗ്ലണ്ട്‌ കളിക്കുന്നത്‌. വെസ്‌റ്റിൻഡീസുമായുള്ള ടെസ്‌റ്റ്‌ പരമ്പരയായിരുന്നു ആദ്യം. തുടർന്ന്‌ അയർലൻഡിനോട്‌ ഏകദിന മത്സരങ്ങളും കളിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
