29 March Friday
പരമ്പരയിൽ ഇന്ത്യ 2–1ന് മുന്നിൽ

നാലാം ട്വന്റി 20 ശനിയാഴ്ച ; രോഹിത്‌ ശർമ കളിച്ചേക്കും

വെബ് ഡെസ്‌ക്‌Updated: Thursday Aug 4, 2022


ലോദെർഹിൽ
വെസ്‌റ്റിൻഡീസിനെതിരായ നാലാം ട്വന്റി–20 മത്സരത്തിൽ ഇന്ത്യൻ ക്യാപ്റ്റൻ രോഹിത് ശർമ കളിച്ചേക്കും. മൂന്നാം മത്സരത്തിനിടെ പരിക്കേറ്റ രോഹിതിന് ബാറ്റിങ് പൂർത്തിയാക്കാൻ കഴിഞ്ഞിരുന്നില്ല. ശനിയാഴ്ച ലോദെർഹില്ലിലാണ് മത്സരം. അഞ്ചാംമത്സരം തൊട്ടടുത്ത ദിവസവും നടക്കും. പരമ്പരയിൽ ഇന്ത്യ 2–1ന് മുന്നിലാണ്.

മൂന്നാംമത്സരത്തിൽ ഏഴ് വിക്കറ്റിനായിരുന്നു ജയം. 165 റൺ ലക്ഷ്യം പിന്തുടർന്ന ഇന്ത്യ ഒരോവർശേഷിക്കെ ജയം നേടി. 44 പന്തിൽ 76 റണ്ണടിച്ച സൂര്യകുമാർ യാദവാണ് മാൻ ഓഫ് ദി മാച്ച്.

രോഹിത് 11 റണ്ണെടുത്തുനിൽക്കെ പുറംവേദന കാരണം പിൻവാങ്ങുകയായിരുന്നു. വിൻഡീസ് പേസർ അൽസാരി ജോസഫിനെ ഫോറടിച്ചശേഷമായിരുന്നു ശാരീരിക അസ്വസ്ഥതയുണ്ടായത്. ഏകദിന പരമ്പരയിൽ രോഹിത് കളിച്ചിരുന്നില്ല. തൊട്ടുമുമ്പ് ഇംഗ്ലണ്ടിനെതിരായ ടെസ്റ്റിലും കളിച്ചില്ല. നിലവിൽ പേസർ ഹർഷൽ പട്ടേൽ പരിക്കുകാരണം പുറത്താണ്.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top