29 March Friday

നായകനായി അരങ്ങേറ്റം കുറിച്ച മത്സരത്തിൽ എംബാപ്പെയ്‌ക്ക്‌ ഇരട്ടഗോൾ; ഫ്രാൻസ്‌ നെതർലൻഡ്‌സിനെ തകർത്തു

വെബ് ഡെസ്‌ക്‌Updated: Saturday Mar 25, 2023

Photo Credit: Équipe de France de Football/Facebook

സെന്റ്‌ ഡെന്നിസ്‌ > യൂറോ 2024 ലേക്കുള്ള ക്വാളിഫയർ മത്സരത്തിൽ നെതർലൻഡ്സിനെ നാല്‌ ഗോളുകൾക്ക്‌ തകർത്ത്‌ ഫ്രാൻസ്‌. ഫ്രഞ്ച് ദേശീയ ടീമിന്റെ നായകനായി അരങ്ങേറ്റം കുറിച്ച മത്സരത്തിൽ ഇരട്ടഗോളുകൾ നേടി കിലിയൻ എംബാപ്പെ തകർപ്പൻ പ്രകടനം പുറത്തെടുത്തു. മത്സരത്തിൽ ഫ്രാൻസ് 4-0 ന് ഡച്ച് പടയെ തകർത്തു. അന്റോയിൻ ഗ്രീസ്‌മാനും ദയോറ്റ് ഉപമെക്കാനോയുമാണ്‌ ഫ്രാൻസിന്‌ വേണ്ടി മറ്റ്‌ ഗോളുകൾ നേടിയത്‌.

ക്വാളിഫയറിൽ ഇന്നലെ നടന്ന മറ്റ് മത്സരങ്ങളിൽ ബെൽജിയം, ഓസ്‌ട്രി‌യ, സെർബിയ, ഗ്രീസ് ടീമുകൾ വിജയിച്ചു. ഓസ്ട്രിയ അസർബൈജാനെ 4-1ന് കീഴടക്കിയപ്പോൾ, സെർബിയ മറുപടിയില്ലാത്ത രണ്ട് ഗോളുകൾക്കാണ് ലിത്വാനിയയെ വീഴ്ത്തിയത്. ഗ്രീസ് 3-0 ന് ജിബ്രാൾട്ടറിനെ തകർത്തു. റൊമേലു ലുക്കാക്കുവിന്റെ ഹാട്രിക്കായിരുന്നു ബെൽജിയത്തിന് സ്വീഡനെതിരെ ഉജ്ജ്വല ജയം സമ്മാനിച്ചത്. മത്സരത്തിന്റെ 35, 49, 82 മിനുറ്റുകളിലായിരുന്നു ബെൽജിയത്തിന്റെ ഗോളുകൾ.


 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top