ദുബായ് > ദുബായ് 2040 പദ്ധതിപ്രകാരം അടുത്ത 20 വർഷങ്ങളിൽ എമിറേറ്റിലുടനീളം നടക്കുന്ന വികസന പദ്ധതിയിൽ ഹത്ത മാസ്റ്റർ ഡെവലപ്‌മെന്റ് പ്ലാൻ ഉൾപ്പെടുത്തി ഷെയ്ഖ് മുഹമ്മദ് അംഗീകാരം നൽകി. കറുത്ത കുന്നുകൾ നിറഞ്ഞതും വരണ്ടതും ജനവാസയോഗ്യമല്ലാത്തതുമായ ഹത്ത പദ്ധതി പ്രാവർത്തികമാകുന്നതോടെ ആകർഷണീയമായ വിനോദ കേന്ദ്രമായി മാറും. ബിസിനസ്, നിക്ഷേപം, വിനോദസഞ്ചാരം എന്നിവയ്‌ക്കായുള്ള ആകർഷകമായ പ്രാദേശിക, അന്തർദേശീയ ലക്ഷ്യസ്ഥാനമായി ഹത്തയെ മാറ്റാനാണ് പദ്ധതി ലക്ഷ്യമിടുന്നത്.
ഭാവി സാധ്യതകളെ കൂടുതൽ ഖനനം ചെയ്‌തെടുക്കാനുള്ള ദൃഢനിശ്ചയത്തിൽ ഞങ്ങൾ ഉറച്ചുനിൽക്കുകയാണ്. എമിറേറ്റ് അതിന്റെ വിഭവങ്ങളിൽ ഐശ്വര്യം വർധിപ്പിക്കാൻ പ്രതിജ്ഞാബദ്ധമാണെന്നും ഷെയ്ഖ് മുഹമ്മദ് ബിൻ റാഷിദ് അൽ മക്തൂം പറഞ്ഞു. നിശ്ചയദാർഢ്യത്തോടെ മുന്നേറുകയാണെങ്കിൽ ഒന്നും അസാധ്യമല്ല. ദുബായിയെ ലോകത്തിലെ ഏറ്റവും മികച്ച നഗരമാക്കി മാറ്റുന്ന ക്രിയാത്മകമായ പ്രവർത്തനത്തിലാണ് ഇപ്പോൾ ഊന്നൽ നൽകുന്നതെന്നും അദ്ദേഹം പറഞ്ഞു.
ദുബായ് കിരീടാവകാശിയും ദുബായ് എക്‌സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം, ബായ് ഡെപ്യൂട്ടി ഭരണാധികാരി, ഉപപ്രധാനമന്ത്രി, ധനകാര്യ മന്ത്രി ദുബായ് മീഡിയ കൗൺസിൽ ചെയർമാൻ ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂം, ഷെയ്ഖ് മൻസൂർ ബിൻ മുഹമ്മദ് ബിൻ റാഷിദ് അൽ മക്തൂം, മുഹമ്മദ് ബിൻ അബ്ദുല്ല അൽ ഗെർഗാവി, ക്യാബിനറ്റ് കാര്യ മന്ത്രി എന്നിവരും ഹത്ത സന്ദർശിച്ചു.
ഹത്തയിലെ നിവാസികൾക്കും സന്ദർശകർക്കുമായി ദുബായിൽ നിന്ന് ഹത്തയിലേക്കുള്ള നേരിട്ടുള്ള ബസ് സർവീസ്, വാദി ഹബ്, ഹട്ട ഡാം, പൈതൃക ഗ്രാമം, അൽ-താൽ പാർക്ക് തുടങ്ങിയ പൈതൃക സ്ഥലങ്ങളിലേക്ക് സ്വകാര്യ മേഖലയുമായി സഹകരിച്ച് സവാരി പങ്കിടൽ സേവനം, ടൂറിസ്റ്റ് കോച്ചുകളെ വിന്യസിയ്‌ക്കൽ, സ്‌മാർട്ട് ആപ്പ് ഉപയോഗിച്ച് ഹത്തയെ പര്യവേക്ഷണം ചെയ്യുന്നതിനായി ഓൺ-ഡിമാൻഡ് ബസ് സേവനം, സ്‌മാർട്ട് കാർ സേവനം എന്നിങ്ങനെ പല പദ്ധതികളും ഇതിൽ ഉൾപ്പെടുന്നു. കൂടാതെ, പ്രധാന കേന്ദ്രങ്ങളേയും, പാർപ്പിട മേഖലകളേയും ബന്ധിപ്പിച്ചുകൊണ്ട്, 120 കിലോമീറ്റർ ദൂരത്തിൽ, സൈക്കിളുകൾക്കും സ്‌കൂട്ടറുകൾക്കും പ്രത്യേക ട്രാക്കുകൾ നിർമിക്കും. യുഎഇയിലെ ഏറ്റവും ദൈർഘ്യമേറിയ മൗണ്ടൻ ബൈക്ക് ട്രാക്കിന്റെ നിർമ്മാണവും ഇതിൽ ഉൾപ്പെടുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
