20 January Thursday

സൗദി വിസാ കാലാവധി സൗജന്യമായി നീട്ടി; ആനുകൂല്യം ഇന്ത്യന്‍ പ്രവാസികള്‍ക്കും

അനസ് യാസിന്‍Updated: Tuesday Nov 30, 2021

മനാമ > സൗദിയില്‍ ജനുവരിവരെ വിസ കാലവധി നീട്ടിയ ആനുകൂല്യം വിമാന നിരോധനം ഏര്‍പ്പെടുത്തിയ ഇന്ത്യ ഉള്‍പ്പെടെ 17 രാജ്യങ്ങളില്‍ നിന്നുള്ള പ്രവാസികള്‍ക്ക് ലഭിക്കുമെന്ന് സൗദി പാസ്‌പോര്‍ട്ട് വിഭാഗം അറിയിച്ചു. സൗജന്യമായി താമസ വിസ, എക്‌സിറ്റ്-റീ എന്‍ട്രി വിസ എന്നിവയാണ് പുതുക്കുക. ഇതിനായി അപേക്ഷകന്‍ ഹാജരാകേണ്ടതില്ല. ഓട്ടോമാറ്റികായാണ് നടപടിക്രമങ്ങള്‍.

വിസ കാലാവധി ജനുവരി 31 വരെ നീട്ടി കഴിഞ്ഞ ദിവസമാണ് ഉത്തരവ് ഉണ്ടായത്. എന്നാല്‍, സൗദിയില്‍ നിന്ന് പൂര്‍ണമായി കോവിഡ് വാക്‌സിന്‍ സ്വീകരിച്ച് എക്‌സിറ്റ്-റീഎന്‍ട്രി വിസയില്‍ രാജ്യം വിട്ടവര്‍ക്ക് ഈ ആനുകൂല്യം ലഭിക്കില്ല.
കോവിഡ് മഹാമാരി പ്രവാസികളില്‍ ഉണ്ടാക്കിയ സാമ്പത്തിക പ്രത്യാഘാതങ്ങളും അനുബന്ധ നിയന്ത്രണങ്ങളും പരിഹരിക്കാനുള്ള ശമങ്ങളുടെ ഭാഗമാണ് വിസ കലാവധി ദീര്‍ഘിപ്പിക്കലെന്നും പാസ്‌പോര്‍ട്ട് വിഭാഗം അറിയിച്ചു.

കാലാവധി അവസാനിച്ച് 60 ദിവസം പിന്നിട്ട റീ-എന്‍ട്രി വിസകള്‍ ഓണ്‍ലൈന്‍ വഴി ദീര്‍ഘിപ്പിക്കാന്‍ കഴിയില്ലെന്ന് ഈയിടെ റിപ്പോര്‍ട്ടുണ്ടായിരുന്നു. സൗദിയിലേക്ക് നേരിട്ട് വിമാനം ഇല്ലാത്തതിനാല്‍ നാട്ടില്‍ അവധിക്ക് പോയ പ്രവാസികള്‍ക്ക് ഇത് പ്രയാസമായി. പുതിയ തീരുമാനം ഇവര്‍ക്ക് ആശ്വാസം നല്‍കുന്നതാണ്.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top