മനാമ > യുഎഇയില് യുവജന മന്ത്രിയാകുന്നതിന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂം അപേക്ഷ ക്ഷണിച്ചു. യുവജനങ്ങളില് നിന്ന് അപേക്ഷ ക്ഷണിക്കുന്നതായി എക്സ് പ്ലാറ്റ്ഫോമിലൂടെയാണ് അറിയിച്ചത്.
യുവജന പ്രശ്നങ്ങളെ പ്രതിനിധീകരിക്കാനും പരിഹാരം കാണാനും അവരുടെ അഭിപ്രായങ്ങള് അറിയിക്കാനും കഴിയുന്ന യുവാവിനെയോ യുവതിയെയോ ആവശ്യമുണ്ടെന്ന് അദ്ദേഹം തന്റെ ട്വീറ്റില് പറഞ്ഞു.
അപേക്ഷകര്ക്ക് അവരുടെ മാതൃരാജ്യത്തിന്റെ പ്രശ്നങ്ങളെക്കുറിച്ച് പൂര്ണമായ അറിവുണ്ടായിരിക്കണം. അവരുടെ സമൂഹത്തിന്റെ യാഥാര്ത്ഥ്യത്തെക്കുറിച്ചും ജോലിയിലെ മേഖലയെക്കുറിച്ചും ബോധവാന്മാരായിരിക്കണം. കൂടാതെ, അവതരണം യുക്തിസഹമായിരിക്കണം. അവര് ധീരരും അവരുടെ രാജ്യത്തെ പ്രതിനിധീകരിക്കുന്നതില് ശക്തരും ആയിരിക്കണമെന്നും ഷെയ്ഖ് മുഹമ്മദ് വ്യക്തമാക്കി.
താല്പ്പര്യമുള്ള ഉദ്യോഗാര്ത്ഥികള്ക്ക് ഔദ്യോഗിക ഇമെയില് വഴി മന്ത്രിമാരുടെ കൗണ്സിലിന് കത്തെഴുതി അവരുടെ കഴിവും കഴിവും സമഗ്രതയും പ്രകടിപ്പിക്കാനും നിര്ദ്ദേശമുണ്ട്. വിവിധ മേഖലകളില് സ്വദേശി യുവജനങ്ങളെ ആകര്ഷിക്കുന്നതില് യുഎഇ ഗണ്യമായ മുന്നേറ്റമാണ് നടത്തന്നുത്. ലോകത്തിലെ ഏറ്റവും പ്രായം കുറഞ്ഞ മന്ത്രി എന്ന പദവി 2016-ല് യുഎഇ യുവജന മന്തിയായ ഷമ്മഅല് മസ്റൂയിക്കാണ്. 22-ാം വയസ്സിലാണ് ഇവര് മന്ത്രിയായി തെരഞ്ഞെടുക്കപ്പെട്ടത്. moca.gov.ae എന്ന വെബ് സൈറ്റിലൂടെ മന്ത്രിമാരുടെ കൗൺസിലിലേക്ക് അപേക്ഷിക്കാം.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
