29 March Friday

മുഖ്യമന്ത്രിയുടെ യുകെ സന്ദർശനം: പ്രവാസി സമ്മേളനവും കലാസാംസ്‌കാരിക സന്ധ്യയും ഒക്‌ടോബർ 9ന്

വെബ് ഡെസ്‌ക്‌Updated: Wednesday Sep 21, 2022

ലണ്ടൻ> ലോക കേരളസഭയുടെ യു കെ- യൂറോപ്പ് മേഖല സമ്മേളനത്തിന്റെ ഭാഗമായി മലയാളികളുമായി സംവദിക്കാൻ പിണറായി വിജയൻ, മന്ത്രിമാരായ പി രാജീവ്, വി ശിവൻകുട്ടി എന്നിവർ  ലണ്ടനിൽ എത്തുന്നു. കേരള സർക്കാർ സ്ഥാപനമായ നോർക്കയുടെ ആഭിമുഖ്യത്തിലാണ് പരിപാടി. ഒക്ടോബർ ഒമ്പത് ഞായറാഴ്‌ച‌ ലോകകേരളസഭ യുകെ യൂറോപ്പ് മേഖല സമ്മേളനം മുഖ്യമന്ത്രി ഉദ്ഘാടനം ചെയ്യും.

മൂന്നാം ലോക കേരളസഭ തീരുമാനത്തിന്റെ ഭാഗമായാണ് ആദ്യത്തെ മേഖല സമ്മേളനം ലണ്ടനിൽ നടത്തുന്നത്. ലോകമെമ്പാടുമുള്ള മലയാളികളുടെ പ്രതിനിധികൾ അംഗങ്ങളായ ലോക കേരള സഭ കേരളത്തിന്റെ സമഗ്ര വികസനത്തിന്  വേണ്ടി നിരവധി ആശയങ്ങളാണ്  അവതരിപ്പിച്ചിട്ടുള്ളത്. യുകെയിലെ പ്രവാസികൾക്ക് കേരളത്തിന്റെ വികസനത്തിന് വേണ്ടി ചെയ്യാൻ കഴിയുന്ന കാര്യങ്ങൾ സമ്മേളനത്തിൽ ചർച്ച ചെയ്യപ്പെടും.

അന്നേ  ദിവസം ഉച്ചയ്‌ക്ക് ശേഷം വിപുലമായ പ്രവാസി സമ്മേളനവും കലാ സന്ധ്യയും അരങ്ങേറും. സമ്മേളനത്തിൽ മുഖ്യമന്ത്രി, മറ്റു മന്ത്രിമാർ, യുകെയിലെ വിവിധ രാഷ്‌ട്രീയ കലാ സാംസ്കാരിക പ്രവർത്തകർ പൗരപ്രമുഖർ തുടങ്ങിയവർ സന്നിഹിതരാവും. കലാസാംസ്കാരിക സന്ധ്യയിൽ കേരളത്തനിമയുള്ള കലാപരിപാടികൾ അവതരിപ്പിക്കുവാൻ താല്പര്യം ഉള്ളവർ സംഘാടകസമിതിയുമായി സെപ്‌തംബർ 24നു  വൈകുന്നേരം എട്ട് മണിക്ക് മുൻപായി  താഴെ  കൊടുത്തിട്ടുള്ള നമ്പറിൽ  ബന്ധപ്പെടണമെന്ന് കൾച്ചറൽ കോഓർഡിനേഷൻ സബ് കമ്മിറ്റി കൺവീനർ ശ്രീജിത്ത്‌ ശ്രീധരൻ, ലോക കേരളസഭയുടെ സബ് കമ്മിറ്റി ചുമതലയുള്ള നിധിൻ ചന്ദ് എന്നിവർ അഭ്യർത്ഥിച്ചു. ഫോൺ: 07775435932 / 07960212334

ക്ലാസിക്കൽ സെമി ക്ലാസിക്കൽ, നാടോടി, നാടോടി/ക്ലാസിക്കൽ ഫ്യൂഷൻ  മ്യൂസിക്, ഡാൻസ്, നാടകം  എന്നിവയിൽ ഗ്രൂപ്പ് പരിപാടികൾക്കു മുൻഗണന നൽകും. പരിപാടിയുടെ വിജയത്തിനായി വിപുലമായ സംഘാടകസമിതി രൂപീകരിച്ചു പ്രവർത്തനം തുടങ്ങി.  മുഖ്യമന്ത്രിയോടും മറ്റു മന്ത്രിമാരോടും സംവദിക്കുവാൻ കിട്ടുന്ന അവസരം വിനിയോഗിച്ചു കേരളത്തിന്റെ സമഗ്രപുരോഗതിയ്ക്കായുള്ള നിർദ്ദേശങ്ങൾ അവതരിപ്പിച്ചു  പരിപാടി വൻവിജയം ആക്കുവാൻ  യുകെയിലെ മുഴുവൻ മലയാളികളോടും കോഓർഡിനേഷൻ സമിതിക്കുവേണ്ടി ചീഫ് കോർഡിനേറ്റർ എസ് ശ്രീകുമാർ, ജോയിന്റ് കോഓർഡിനേറ്റർ സി എ ജോസഫ്, ഓർഗനൈസേഷന് ചെയർമാൻ ഡോ ബിജു പെരിങ്ങത്തറ എന്നിവർ അഭ്യർത്ഥിച്ചു. പൊതുസമ്മേളന വേദി: Tudor Park, Feltham, London. TW13 7EF


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top