കുവൈത്ത് സിറ്റി > കുവൈത്തിൽ 2023 പകുതി വരെ പ്രവാസികളുടെ 913 ഡ്രൈവിംഗ് ലൈസൻസുകൾ ട്രാഫിക് ഡിപ്പാർട്ട്മെന്റ് സസ്പെൻഡ് ചെയ്തു. വിവിധ നിയമലംഘനങ്ങൾ നടത്തിയതിനാണ് സസ്പെൻഷൻ. മൂന്ന് മാസം മുതൽ ഒരു വർഷം വരെ ലൈസൻസുകൾ സസ്പെൻഡ് ചെയ്യുകയും ചില കേസുകളിൽ സ്ഥിരം റദ്ദാക്കുകയും ചെയ്യുന്നതാണ് നടപടിയെന്ന് അധികൃതർ വിശദീകരിച്ചു. ഫോൺ ഉപയോഗിക്കുന്നത് 2 പെനാൽറ്റി പോയിന്റുകളുള്ള ഗുരുതരമായ ലംഘനമാണെന്നും, ചുവന്ന ലൈറ്റ് മുറിച്ചുകടക്കുന്നതും അമിതവേഗതയിൽ വാഹനമോടിക്കുന്നതും 4 പോയിന്റുകളുള്ളതാണെന്നും അറിയിച്ചു.
14 പെനാൽറ്റി പോയിന്റുള്ളവർക്കാണ് ആദ്യം സസ്പെൻഷൻ ലഭിക്കുക. 3 മാസത്തേക്ക് ലൈസൻസ് പിൻവലിക്കപ്പെടും. വീണ്ടും നിയമലംഘനങ്ങൾ ആവർത്തിച്ച് 12 പോയിന്റുകൾ കൂടെ വന്നാൽ ലൈസൻസ് 6 മാസത്തേക്ക് സസ്പെൻഡ് ചെയ്യും. ഇതിനു ശേഷം 10 അധിക പോയിന്റുകൾ വന്നാൽ ലൈസൻസ് 9 മാസത്തേക്ക് സസ്പെൻഷെൻ ലഭിക്കും. 8 അധിക പോയിന്റുകൾ കൂടെ വന്നാൽ ഒരു വർഷത്തേക്ക് സസ്പെൻഷൻ ലഭിക്കും. 6 പെനാൽറ്റി പോയിന്റുകൾ കൂടെ ലഭിച്ചാൽ ലൈസൻസ് സ്ഥിരമായി റദ്ദാക്കപ്പെടും.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
