റിയാദ് > "ആരോഗ്യത്തിൽ നിങ്ങളുടെ പങ്ക്" എന്നവിഷയത്തിൽ സൗദി ആരോഗ്യ മന്ത്രാലയം ഒരു ബോധവൽക്കരണ കാമ്പയിൻ ആരംഭിച്ചു. പുതിയ അധ്യയന വർഷം ആരംഭിക്കുന്നതിന് മുമ്പായി ആരോഗ്യകരമായ പെരുമാറ്റങ്ങളെക്കുറിച്ച് ആൺകുട്ടികളെയും പെൺകുട്ടികളെയും ബോധവൽക്കരിക്കുക എന്നതാണ് ലക്ഷ്യം.
വിദ്യാഭ്യാസ മാർഗങ്ങളിലൂടെയും വിവിധ മാധ്യമ പ്ലാറ്റ്‌ഫോമുകളിലൂടെയും ആരോഗ്യ പരിപാടികളെക്കുറിച്ചും ആരോഗ്യകരമായ പെരുമാറ്റങ്ങളെക്കുറിച്ചും അവബോധം വളർത്തുന്നതിലാണ് കാമ്പയിൻശ്രദ്ധിക്കുന്നത്. ബാക്ക് ടു സ്കൂൾ കാമ്പെയ്‌നിൽ ബോധവത്കരണ സന്ദേശങ്ങളും ഇതിൽ ഉൾപ്പെടുന്നു. ആരോഗ്യകരമായ ഉറക്കം, പ്രഭാതഭക്ഷണം, ഉചിതമായ സ്കൂൾ ബാഗും ഷൂസും, ശാരീരിക പ്രവർത്തനങ്ങൾ, ഉയർന്ന താപനില കൈകാര്യം ചെയ്യൽ, പകർച്ചവ്യാധികൾക്കെതിരായ പ്രതിരോധ നടപടികൾ എന്നിവ ഉൾപ്പെടെ സ്കൂളിനായി തയ്യാറെടുക്കാൻ പിന്തുടരേണ്ട ആരോഗ്യകരമായ പെരുമാറ്റങ്ങളും ഇതിൽ ഉൾപ്പെടുന്നു. ഈ മാസം 28 നു സൗദിയിൽ പുതിയ അധ്യയനം ആരംഭിക്കും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
