റിയാദ്> റമദാൻ അവസാന പത്തായതോടെ ഈദുൽ ഫിത്ർ കൂടി ലക്ഷ്യം വെച്ച് കൊണ്ട് സൗദി ആഭ്യന്തര, അന്തർദേശീയ എയർലൈൻ ടിക്കറ്റുകളുടെ നിരക്കിൽ ഗണ്യമായ വർദ്ധനയിൽ ജനറൽ അതോറിറ്റി ഓഫ് സിവിൽ ഏവിയേഷൻ (ഗാക്ക) ഇടപ്പെട്ടു. വിമാന ടിക്കറ്റുകളുടെ നിരക്കിൽ മാറ്റം വരുത്തുന്നത് ശ്രദ്ധയിൽപ്പെട്ടിട്ടുണ്ടെന്നും ആഭ്യന്തര വിമാന ടിക്കറ്റുകളുടെ വിലയെക്കുറിച്ചുള്ള വിവരങ്ങൾ താൽപ്പര്യത്തോടെ ഗാക പിന്തുടരുമെന്നും അതോറിറ്റി വ്യക്തമാക്കി.
ആഭ്യന്തര വിമാന സർവ്വീസുകളുടെ നിരക്ക് നിയന്ത്രിക്കാനാണ് ജനറൽ അതോറിറ്റി ഓഫ് സിവിൽ ഏവിയേഷൻ ഇടപെടൽ നടത്തുന്നത്. തൽഫലമായി, രാജ്യത്തിലെ സിവിൽ ഏവിയേഷൻ മേഖലയുടെ റെഗുലേറ്റർ എന്ന നിലയിലുള്ള അധികാരം ഉപയോഗപ്പെടുത്തി, എയർ ട്രാൻസ്പോർട്ട് വിലനിർണ്ണയ ഘടനയുടെ അവലോകനത്തിനും സീറ്റ് കപ്പാസിറ്റിയിലും എണ്ണത്തിലും വർദ്ധനവിന് കാരണമാകുന്ന ഒരു കൂട്ടം നേരിട്ടുള്ള നടപടികൾ കൈക്കൊണ്ടിട്ടുണ്ട് എന്ന് ഗാക വ്യക്തമാക്കി.
യാത്രക്കാർക്ക് അനുയോജ്യമായ നിരക്കുകൾ ഉറപ്പാക്കുകയും വ്യോമഗതാഗത മേഖലയിൽ മത്സരക്ഷമത വർദ്ധിപ്പിക്കുകയും ചെയ്യുക എന്ന ലക്ഷ്യത്തോടെ, യാത്രക്കാരുടെ അവകാശങ്ങൾക്കും സുരക്ഷക്കും മുൻഗണന നൽകുക എന്നതാണ് അതോറിറ്റി പരിഗണിക്കുന്ന പ്രധാന കാര്യം എന്നും അവർ വ്യക്തമാക്കി. വിമാനടിക്കറ്റുകളുടെ വിലയിലെ ക്രമക്കേട് അവസാനിപ്പിക്കാനും വിലയിൽ കൃത്രിമം കാണിക്കുകയും ന്യായമില്ലാതെ പെരുപ്പിച്ചു കാണിക്കുകയും ചെയ്യുന്ന എല്ലാവരെയും ഉരുക്കുമുഷ്‌ടി ഉപയോഗിച്ച് നിയന്ത്രിക്കാൻ ഒമർ അൽ-ഖഹ്താനി സൗദി അറേബ്യയിലെ സിവിൽ ഏവിയേഷൻ അതോറിറ്റിയോട് ആവശ്യപ്പെട്ടു.
റിയാദിൽ നിന്ന് ഇക്കോണമി ക്ലാസിന് ഇരുവശത്തേക്കും മൂവായിരം സൗദി റിയാലിലെത്തുന്നത് വരെ എയർലൈൻ ടിക്കറ്റുകളുടെ വില വർദ്ധനയിൽ ജിദ്ദ ഒന്നാമതെത്തിയപ്പോൾ, എക്കണോമി ക്ലാസിന് റിയാദിൽ നിന്ന് 2500 സൗദി റിയാലിന്റെ ടിക്കറ്റ് മൂല്യവുമായി മദീന അൽ മുനവ്വറ രണ്ടാം സ്ഥാനത്തെത്തി. യാത്രാ ടിക്കറ്റുകളുടെ വിലയിലുള്ള വർദ്ധനവ് ഞങ്ങളുടെ ശ്രദ്ധയിൽപ്പെട്ടിട്ടുണ്ട് എന്നും അവയുടെ വില അവലോകനം ചെയ്യാൻ ഞങ്ങൾ നേരിട്ട് നടപടികൾ കൈക്കൊള്ളും എന്നും സിവിൽ ഏവിയേഷൻ പറഞ്ഞു.
വ്യോമഗതാഗത നിരക്കുകൾ പുനഃപരിശോധിക്കാൻ നേരിട്ടുള്ള നടപടികൾ സ്വീകരിക്കുമെന്ന് ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു. യാത്രക്കാരുടെ അവകാശങ്ങളും സംരക്ഷണവും സംരക്ഷിക്കുന്നതിനാണ് മുൻഗണന നൽകുന്നതെന്ന് അവർ കഴിഞ്ഞ ദിവസം പുറത്തിറക്കിയ ഒരു പത്രക്കുറിപ്പിൽ ഊന്നിപ്പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
