മക്കയിലെ മിനായിൽ ഹാജിമാർ ജംറയിൽ തങ്ങളുടെ കർമ്മങ്ങൾ ആരംഭിച്ചപ്പോൾ മക്ക മദീന അടക്കമുള്ള രാജ്യത്തിന്റെ വിവിധ ഭാഗങ്ങളിൽ വിശ്വാസികൾ ബലിപെരുന്നാൾ നമസ്ക്കാരം നിർവ്വഹിച്ചു കൊണ്ട് ഈദ് ആഘോഷങ്ങൾക്ക് തുടക്കം കുറിച്ചു. മക്ക ഗ്രാൻഡ് മോസ്‌കിലും, മദീനയിലെ പ്രവാചക പള്ളിയിലും, സൗദി അറേബ്യയുടെ വിവിധ ഭാഗങ്ങളിലും, സർവ്വശക്തനായ ദൈവത്തോടുള്ള ഭക്തി നിറഞ്ഞ അന്തരീക്ഷത്തിൽ വിശ്വാസികൾ ഇന്ന് അനുഗ്രഹീതമായ ഈദുൽ അദ്ഹ പ്രാർത്ഥന നടത്തി.
മക്ക അൽ മുഖറമയിൽ, ആരാധകർ ആത്മീയവും വിശ്വാസപരവുമായ അന്തരീക്ഷത്തിൽ ഗ്രാൻഡ് മസ്ജിദിൽ ഈദുൽ അദ്ഹ പ്രാർത്ഥന നടത്തി. ഗ്രാൻഡ് മസ്ജിദിന്റെ ഇമാമും ഖതീബുമായ ഡോ. അബ്ദുല്ല ബിൻ അവദ് അൽ-ജുഹനി ഈദ്പ്ര നമസ്ക്കാരത്തിനു നേതൃത്ത്വം നൽകി. മദീനയിൽ, എല്ലാ വിശ്വാസികളും പ്രവാചക പള്ളിയിൽ ഈദുൽ അദ്ഹ നമസ്കാരം നടത്തി. മദീന ഗവർണർ ഫൈസൽ ബിൻ സൽമാൻ ബിൻ അബ്ദുൽ അസീസ് രാജകുമാരനും വിശ്വാസികളോടൊപ്പം നമസ്ക്കാരത്തിൽ പങ്കുകൊണ്ടു.
സൗദിയുടെ തലസ്ഥാനമായ റിയാദിൽ , റിയാദ് മേഖല ഗവർണർ ഫൈസൽ ബിൻ ബന്ദർ ബിൻ അബ്ദുൽ അസീസ് രാജകുമാരൻ ഇമാം തുർക്കി ബിൻ അബ്ദുല്ല മസ്ജിദിൽ ജനക്കൂട്ടത്തോടൊപ്പം ഈദുൽ അദ്ഹ പ്രാർത്ഥന നടത്തി. ഹയർ ജുഡീഷ്യൽ ഇൻസ്റ്റിറ്റ്യൂട്ടിലെ ടീച്ചിംഗ് സ്റ്റാഫിലെ അംഗമായ ഷെയ്ഖ് അബ്ദുല്ല ബിൻ അബ്ദുൽ അസീസ് അൽ ആലു -ഷൈഖ് ഈദ് ഈദ് പ്രാർത്ഥനക്ക് നേതൃത്വം നൽകി. ബലിദിനത്തിൽ അനുസരണവും ദൈവത്തോട് കൂടുതൽ ഭക്തിപുരസ്സരം അടുക്കാനും അദ്ദേഹം വിശ്വാസികളെ ആഹ്വാനം ചെയ്തു.
ഗവർണറോടൊപ്പം മുഹമ്മദ് ബിൻ മിഷാരി ബിൻ അബ്ദുൽ അസീസ് രാജകുമാരൻ, സൗദ് ബിൻ അബ്ദുല്ല ബിൻ സുനയാൻ രാജകുമാരൻ, ഖാലിദ് ബിൻ അബ്ദുൽ അസീസ് ബിൻ മഷാരി രാജകുമാരൻ, ഖാലിദ് ബിൻ അബ്ദുല്ല ബിൻ മിഷാരി രാജകുമാരൻ, ബന്ദർ ബിൻ അബ്ദുൽ അസീസ് ബിൻ മുഹമ്മദ് ബിൻ അയ്യാഫ് രാജകുമാരൻ എന്നിവരും മേഖലയിലെ രാജകുമാരന്മാരും മുതിർന്ന സിവിൽ, സൈനിക ഉദ്യോഗസ്ഥരും ഈദ് നമസ്ക്കരത്തിൽ പങ്കുകൊണ്ടു.
കിഴക്കൻ പ്രവിശ്യയിൽ, ഖോബാർ ഗവർണറേറ്റിലെ കിംഗ് ഫഹദ് മസ്ജിദിൽ കിഴക്കൻ പ്രവിശ്യാ ഗവർണർ സൗദ് ബിൻ നായിഫ് ബിൻ അബ്ദുൽ അസീസ് രാജകുമാരനോടൊപ്പം നിരവധി വിശ്വാസികൾ പെരുന്നാൾ നമസ്കാരം നടത്തി. ഷെയ്ഖ് അലി ബിൻ മുഹമ്മദ് അൽ ഖർനി ഈദ് പ്രാർത്ഥനക്കു നേതൃത്വം നൽകി.
അൽ-അഹ്‌സ ഗവർണറേറ്റിൽ, അൽ-അഹ്‌സ ഗവർണർ സൗദ് ബിൻ തലാൽ ബിൻ ബദർ രാജകുമാരൻ ഹഫൂഫിലെ ഖാദിമുൽ ഹറമൈൻ അശരീഫൈൻ ജുമാ മസ്ജിദിൽ വിശ്വാസികളുടെ ജനക്കൂട്ടത്തോടൊപ്പം ഈദുൽ അദ്ഹ പ്രാർത്ഥന നടത്തി. പ്രാർത്ഥനക്കു ഷെയ്ഖ് അബ്ദുല്ല അൽ ഇസ്മായിൽ നേതൃത്വം നൽകി. വിവിധ ഗോത്ര നേതാക്കളും ഡെപ്യൂട്ടി ഗവർണർ മുആദ് അൽ-ജഅഫരിയും മേഖലയിലെ നിരവധി സിവിലിയൻ, സൈനിക ഉദ്യോഗസ്ഥരും ഗവർണരോടൊപ്പം നമസ്‌കാരത്തിൽ പങ്കുകൊണ്ടു. കിഴക്കൻ പ്രവിശ്യയിലെ എല്ലാ ഗവർണറേറ്റുകളിലും കേന്ദ്രങ്ങളിലും ഗ്രാമങ്ങളിലും ഈദുൽ അദ്ഹ പ്രാർത്ഥനകളും നടന്നു.
ഖസിം മേഖല ഗവർണർ ഡോ. ഫൈസൽ ബിൻ മിഷാൽ ബിൻ സൗദ് ബിൻ അബ്ദുൽ അസീസ് രാജകുമാരൻ ബുറൈദയിലെ അൽ-സഫ്ര ജില്ലയിലെ ഈദ് ഗാഹിൽ വിശ്വാസികളുടെ ജനക്കൂട്ടത്തോടൊപ്പം ഈദുൽ അദ്ഹ പ്രാർത്ഥന നടത്തി. ഷെയ്ഖ് സുലൈമാൻ അൽ-റബി ആരാധകർക്ക് നേതൃത്വം നൽകി.
ഹായിൽ മേഖലയിൽ, രണ്ട് ഹോളി മോസ്‌കുകളുടെ സൂക്ഷിപ്പുകാരനും റീജിയണിന്റെ ഡെപ്യൂട്ടി ഗവർണറുമായ ഫൈസൽ ബിൻ ഫഹദ് ബിൻ മുഖ്‌രിൻ ബിൻ അബ്ദുൽ അസീസ് രാജകുമാരന്റെ പള്ളിയിലേക്ക് വിശ്വാസികളുടെ ജനക്കൂട്ടം എത്തി. ഹായിലിലെ കിംഗ് ഫഹദ് മസ്ജിദിന്റെ ഇമാമും പ്രഭാഷകനുമായ ഷെയ്ഖ് സലാ അൽ അരീഫിയാണ് പ്രാർത്ഥനക്ക് നേതൃത്വം നൽകിയത്. ഹായിൽ മേഖലയിലെ എല്ലാ ഗവർണറേറ്റുകളിലും കേന്ദ്രങ്ങളിലും ഗ്രാമങ്ങളിലും മരുഭൂമികളിലും ഈദുൽ അദ്ഹ പ്രാർത്ഥനകളും നടന്നു.
തായിഫ് ഗവർണറേറ്റിലെ വിശ്വാസികൾ തായിഫ് ഗവർണർ സൗദ് ബിൻ നഹർ ബിൻ സൗദ് ബിൻ അബ്ദുൽ അസീസ് രാജകുമാരനോടൊപ്പം അസീസിയയിലെ കിംഗ് ഫഹദ് മസ്ജിദിൽ ഈദുൽ അദ്ഹ പ്രാർത്ഥന നടത്തി. ഷെയ്ഖ് ഖാലിദ് അബ്ദുൽ ഖാദർ മുഖ്‌ബിൽ പ്രാർത്ഥനക്കു നേതൃത്വം നൽകി.
വടക്കൻ അതിർത്തി മേഖലയിലെ ഗവർണർ ഫൈസൽ ബിൻ ഖാലിദ് ബിൻ സുൽത്താൻ ബിൻ അബ്ദുൽ അസീസ് രാജകുമാരന്റെയും വടക്കൻ ഡെപ്യൂട്ടി ഗവർണർ സൗദ് ബിൻ അബ്ദുൾറഹ്മാൻ ബിൻ നാസർ ബിൻ അബ്ദുൽ അസീസ് രാജകുമാരന്റെയും നേതൃത്വത്തിൽ അറാറിലെ അൽ-മുഹമ്മദിയ്യ ഈദ് ഗാഹിൽ നിരവധി വിശ്വാസികൾ ഈദുൽ അദ്ഹ പ്രാർത്ഥന നടത്തി. ഷെയ്ഖ് ഡോ.സഊദ് മലൂഹ് അൽ-അനസി ആരാധകർക്ക് നേതൃത്വം നൽകി, വടക്കൻ അതിർത്തി മേഖലയിലെ എല്ലാ ഗവർണറേറ്റുകളിലും കേന്ദ്രങ്ങളിലും ഗ്രാമങ്ങളിലും ഈദ് അൽ-അദ്ഹ പ്രാർത്ഥനകൾ നടത്തി.
തബൂക്ക് മേഖലയിൽ, പ്രദേശത്തിന്റെ ഗവർണർ പ്രിൻസ് ഫഹദ് ബിൻ സുൽത്താൻ ബിൻ അബ്ദുൽ അസീസ് രാജകുമാരന്റെ നേതൃത്വത്തിൽ വിശ്വാസികൾ ഈദുൽ അദ്ഹ പ്രാർത്ഥന നടത്തി. തബൂക്കിലെ ക്രിമിനൽ കോടതി മേധാവി ജാബർ അൽ-ഹർബി ഈദ് നമസ്‌കാരത്തിന് നേത്യത്വം നൽകി. രാജ്യത്തിന്റെ മുഴുവൻ ഗവർണറേറ്റുകളിലും ഈദ് നമസ്‌കാരങ്ങൾ നടന്നു. സ്വദേശികളും വിദേശികളുമായ ആബാലവൃദ്ധം വിശ്വാസികളും ഈദ് നമസ്‌കാരത്തിൽ പങ്കുകൊണ്ടു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
