കുവൈത്ത് സിറ്റി > കോഴിക്കോട് ജില്ലാ അസോസിയേഷൻ കുവൈറ്റ് 2022-23 വർഷത്തെ വിദ്യാഭ്യാസ അവാർഡുകൾക്കുള്ള അപേക്ഷകൾ ക്ഷണിക്കുന്നു. അസോസിയേഷൻ അംഗങ്ങളുടെ മക്കളുടെ ഉന്നത വിദ്യാഭ്യാസത്തിന് മുൻ‌തൂക്കം നൽകുന്നതിനായി ഏർപ്പെടുത്തിയ വിദ്യാഭ്യാസ അവാർഡുകൾ എല്ലാ വർഷവും അസോസിയേഷൻ നൽകി വരുന്നതാണ്. 2022-23 അധ്യയന വർഷത്തെ 10,12 ക്ലാസ്സുകളിൽ പൊതു പരീക്ഷയിൽ 80 ശതമാനവും അതിൽ കൂടുതലും മാർക്കുകൾ നേടിയ അസോസിയേഷൻ അംഗങ്ങളുടെ മക്കളെയാണ് വിദ്യാഭ്യാസ അവാർഡുകൾ നൽകി ആദരിക്കുന്നത്.
അസോസിയേഷന്റെ ഈ വർഷത്തെ ഓണം-ഈദ് ആഘോഷം ഒക്ടോബർ 13, 2023 ന് ഖൈത്താൻ ഇന്ത്യൻ കമ്മ്യൂണിറ്റി സ്‌കൂളിൽ
വച്ച് ആഘോഷിക്കുന്നുണ്ട്. ഈ ചടങ്ങിൽ വിദ്യാഭ്യാസ അവാർഡുകൾ വിതരണം ചെയ്യും. ഇതിനായി അസോസിയേഷൻ അംഗങ്ങൾ സ്വയം സാക്ഷ്യപ്പെടുത്തിയ മാർക്ക് ലിസ്റ്റ് കോപ്പി സഹിതം സെപ്റ്റംബർ 25 നു മുൻപായി അതാത് ഏരിയ പ്രസിഡന്റുമാർ മുഖേനെയോ അസ്സോസിയേഷൻ ഇ മെയിലായ kozhikodeassociationkuwait@gmail.com എന്ന വിലാസത്തിലോ അപേക്ഷകൾ അയക്കേണ്ടതാണ്. അപേക്ഷകർ അസോസിയേഷൻ അംഗത്വ ഐ‍ഡി നമ്പറോ അസോസിയേഷനിൽ രജിസ്റ്റർ ചെയ്തിട്ടുള്ള മൊബൈൽ നമ്പറോ അപേക്ഷയോടൊപ്പം നൽകാൻ ശ്രദ്ധിക്കേണ്ടതാണെന്ന് ഭാരവാഹികൾ അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
