ന്യൂഡല്ഹി> കേരളത്തിലെ ബിജെപി നേതാവും മഹാരാഷ്ട്രയില്നിന്നുള്ള രാജ്യസഭാംഗവുമായ വി. മുരളീധരന് കേന്ദ്രമന്ത്രിയാകുമെന്ന് റിപ്പോര്ട്ടുകള്. നിലവില് കേന്ദ്ര മന്ത്രിയായ അല്ഫോണ്സ് കണ്ണന്താനത്തെ ഒഴിവാക്കിയാണ് കേന്ദ്ര മന്ത്രിസഭയിലേക്ക് വി മുരളീധരനെ പരിഗണിക്കുന്നത്. കുമ്മനം രാജശേഖരന്റേയും അല്ഫോണ്സ് കണ്ണന്താനത്തിന്റേയും സുരേഷ് ഗോപിയുടേയും പേരുകളും മന്ത്രിസ്ഥാനത്തേക്ക് പരിഗണിക്കപ്പെട്ടിരുന്നു. ഇതിനുപിന്നാലെയാണ് മുരളീധരനെ മന്ത്രിസഭയിലേക്ക് തെരഞ്ഞെടുത്തത്.
പ്രധാനമന്ത്രിയുടെ വസതിയില് എത്താന് ക്ഷണം ലഭിച്ചെന്ന് വി മുരളീധരന് മാധ്യമങ്ങളോട് പറഞ്ഞു.പാര്ട്ടി അധ്യക്ഷന് അമിത് ഷായാണ് ആദ്യം വിളിച്ചതെന്നും പിന്നീട് ക്യാബിനറ്റ് സെക്രട്ടറിയേറ്റി ല്നിന്നും വിളിച്ചെന്നും വി. മുരളീധരന് പറഞ്ഞു.
മന്ത്രിസഭാ രൂപീകരണത്തിന് വേണ്ടിയുള്ള അന്തിമ ചര്ച്ചകള് ഇപ്പോഴും നടക്കുകയാണ്. മന്ത്രിമാരെക്കുറിച്ചുള്ള തീരുമാനം ഇന്ന് രാത്രിയോടെ ഉണ്ടാകുമെന്നാണ് റിപ്പോര്ട്ട്.ബി.ജെ.പി ദേശീയ അധ്യക്ഷന് അമിത് ഷാ നേരിട്ടാണ് മന്ത്രിപദവിയിലേക്ക് തെരഞ്ഞെടുക്കപ്പെട്ടവരെ ദല്ഹിയിലേക്ക് ക്ഷണിക്കുന്നത്. ഇന്ന് വൈകീട്ട് ഏഴുമണിക്ക് രാഷ്ട്രപതി ഭവനില് നടക്കുന്ന ചടങ്ങില് നരേന്ദ്ര മോദി വീണ്ടും പ്രധാനമന്ത്രിയായി സത്യപ്രതിജ്ഞ ചെയ്യും.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..