28 May Tuesday

ജാർഖണ്ഡിലെ അപ്പാർട്മെന്റ് 
സമുച്ചയത്തിൽ തീപിടിത്തം; 14 മരണം

വെബ് ഡെസ്‌ക്‌Updated: Wednesday Feb 1, 2023


റാഞ്ചി
ജാർഖണ്ഡിൽ കെട്ടിടസമുച്ചയത്തിന് തീപിടിച്ച് മൂന്നു കുട്ടികളടക്കം 14പേർ വെന്തുമരിച്ചു. ധൻബാദ് ജില്ലയിലെ ജോരപഥകിലെ ആശിർവാദ് ടവർ അപ്പാർട്ട്മെന്റ് സമുച്ചയത്തിൽ ചൊവ്വ വെെകിട്ടാണ് ദുരന്തം. നാലാമത്തെ നിലയിലാണ് തീപിടിച്ചത്. ഇവിടെ ഒരു ഫ്ലാറ്റിൽ വിവാഹപാർടി നടക്കുന്നതിനിടെ അഗ്നിബാധ ഉണ്ടാവുകയായിരുന്നു എന്നാണ് പ്രാഥമിക വിവരം.

തീ മറ്റു നിലകളിലേക്കും പടർന്നു. ആറ്, ഏഴ് നിലകളിൽ കൂടുതൽപേർ കുടുങ്ങിക്കിടക്കുന്നതായാണ് വിവരം. 18പേരെ രക്ഷപ്പെടുത്തി. രക്ഷാപ്രവർത്തനം വെെകിയും തുടരുകയാണ്. പരിക്കേറ്റവരെ അടുത്തുള്ള പാടലിപുത്ര നഴ്സിങ് ഹോമിലേക്ക് മാറ്റി. പലരുടെയും നില ഗുരുതരമാണ്. മരണസംഖ്യ ഉയരാൻ സാധ്യതയുണ്ടെന്ന് പൊലീസ് മേധാവി പറഞ്ഞു. തീപിടിത്തത്തിന്റെ കാരണം അറിവായിട്ടില്ല. ശനിയാഴ്ച ധൻബാദിലെ സ്വകാര്യ നഴ്സിങ് ഹോമിലുണ്ടായ തീപിടിത്തത്തിൽ ഡോക്ടർ ദമ്പതികളടക്കം അഞ്ച് പേർ മരിച്ചിരുന്നു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top