തിരുവനന്തപുരം> കേരളത്തിലേക്കുള്ള രണ്ടാം വന്ദേഭാരത് എക്‌സ്പ്രസിന്റെ കാസര്‍കോഡ് നിന്നും തിരുവനന്തപുരത്തേക്കുള്ള രണ്ടാം ട്രയല്‍ റണ്‍ തുടങ്ങി. 7 മണിക്കാണ് കാസര്‍കോഡ് സ്‌റ്റേഷനില്‍ നിന്ന് ട്രെയിന്‍ പുറപ്പെട്ടത്.
കഴിഞ്ഞ ദിവസം വൈകുന്നേരം 4.05ന് തിരുവനന്തപുരത്ത് നിന്ന് ആദ്യ ട്രയല്‍ റണ്‍ പുറപ്പെട്ട ട്രെയിന്‍ രാത്രി 11.35 നാണ് കാസര്‍കോട്ടേത്തിയത്. ഇന്ന് ട്രെയിന്‍ തിരുവനന്തപുരത്ത് തിരികെയെത്തിയ ശേഷം 4.05ന് വീണ്ടും കാസര്‍കോട്ടേക്കു ട്രയല്‍ റണ്‍ നടത്തും. ശനിയാഴ്ച കാസര്‍കോട് സ്‌റ്റേഷനില്‍ നിര്‍ത്തിയിട്ട ശേഷം ഞായറാഴ്ച പ്രധാനമന്ത്രി ഓണ്‍ലൈന്‍ ആയി ട്രെയിന്‍ ഫഌഗ്ഓഫ് ചെയ്ത് സര്‍വ്വീസ് ആരംഭിക്കും.
ചൊവ്വാഴ്ച മുതല്‍ യാത്രക്കാര്‍ക്ക് വേണ്ടിയുള്ള സര്‍വീസുകള്‍ ആരംഭിക്കും. രണ്ടാം വന്ദേഭാരത് ആലപ്പുഴ വഴിയാണ് സര്‍വീസ്. രാവിലെ 7 മണിക്ക് കാസര്‍കോഡ് നിന്ന് തിരിക്കുന്ന ട്രെയിന്‍ ഉച്ചകഴിഞ്ഞ് 3:05ന് തിരുവനന്തപുരത്ത് എത്തുന്ന വിധത്തിലും വൈകിട്ട് 4:05ന് തിരുവനന്തപുരത്ത് നിന്ന് തുടങ്ങി രാത്രി 11:55ന് കാസര്‍ഗോഡ് എത്തുന്ന രീതിയിലുമായിരിക്കും സര്‍വീസ്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
