പത്തനംതിട്ട> വടശേരിക്കര കുമ്പളത്താമണ്ണില്‍ വീണ്ടും കടുവയിറങ്ങി ആടിനെ കൊന്നു.പ്രദേശത്ത് വനംവകുപ്പ് ഉദ്യോഗസ്ഥര്‍ തെരച്ചില്‍ തുടരുകയാണ്. കടുവയുടെ സാന്നിധ്യം സ്ഥിരീകരിച്ചതോടെ പിടികൂടാന്‍ കൂട് സ്ഥാപിച്ചിട്ടുണ്ട്.തുടര്‍ച്ചയായ മൂന്നാം ദിവസമാണ് ജനവാസ മേഖലയില്‍ കടുവയുടെ സാന്നിധ്യമുണ്ടാകുന്നത്.
തിങ്കളാഴ്ച രാത്രി വടശേരിക്കര ചെമ്പരത്തിന്‍മൂട് ഭാഗത്തിറങ്ങിയ കടുവ വലിയമണ്ണില്‍ പി ടി സദാനന്ദന്റെ ആടിനെ പിടിച്ചിരുന്നു. കടുവ ഭക്ഷിച്ച ആട്ടിന്‍കുട്ടിയുടെ അവശിഷ്ടങ്ങള്‍ സദാനന്ദന്റെ വീടിന് 200 മീറ്റര്‍ അകലെ കണ്ടെത്തിയിരുന്നു.
എന്നാല്‍ വനംവകുപ്പിന്റെ പരിശോധനയില്‍ കടുവയെ കണ്ടെത്താന്‍ കഴിഞ്ഞിരുന്നില്ല.
പ്രദേശത്തെ മറ്റ് ചിലരും കടുവയെ കണ്ടതായി റിപ്പോര്‍ട്ടുണ്ട്
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
