കോഴിക്കോട് > കോഴിക്കോട് നന്മണ്ടയിൽ മരം മുറിഞ്ഞ് വീണുണ്ടായ അപകടത്തിൽ അധ്യാപകൻ മരിച്ചു. ഉള്ള്യേരി എയുപി സ്‌കൂൾ അധ്യാപകൻ മടവൂർ പുതുക്കുടി മുഹമ്മദ് ശരീഫാണ് (38) മരിച്ചത്. ചൊവ്വാഴ്‌ച രാവിലെ 9.15 ഓടെയാണ് സംഭവം.
സ്‌കൂളിലേക്കുള്ള യാത്രക്കിടെ നന്മണ്ട അമ്പലപ്പൊയിലിൽ വെച്ച് ശരീഫ് ഓടിച്ച ബൈക്കിലേക്ക് റോഡരികിലുള്ള മരക്കൊമ്പ് പൊട്ടിവീഴുകയായിരുന്നു. മരക്കൊമ്പ് വീണപ്പോൾ ബൈക്ക് നിയന്ത്രണം വിട്ട് റോഡിൽ മറിയുകയായിരുന്നു. മരിച്ച ശരീഫിന് ഭാര്യയും മൂന്നു കുട്ടികളുമുണ്ട്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
