29 March Friday
പ്രവേശനോത്സവം 
 സംസ്ഥാന 
 ഉദ്ഘാടനം മുഖ്യമന്ത്രി 
 നിർവഹിക്കും

പോന്നോളൂ 
സ്കൂളിലേക്ക് ; വിദ്യതേടി 42 ലക്ഷം കുട്ടികൾ

വെബ് ഡെസ്‌ക്‌Updated: Wednesday May 31, 2023


തിരുവനന്തപുരം
കളിയും ചിരിയും കിന്നാരവുമായെത്തുന്ന കുട്ടിക്കൂട്ടത്തെ വരവേൽക്കാൻ  സ്കൂളുകൾ അണിഞ്ഞൊരുങ്ങി. വ്യാഴാഴ്‌ച പ്രവേശനോത്സവത്തോടെ സംസ്ഥാനത്ത് പുതിയ അധ്യയന വർഷം ആരംഭിക്കും. സംസ്ഥാനതല ഉദ്ഘാടനം തിരുവനന്തപുരം മലയിൻകീഴ് ഗവ. വിഎച്ച്എസ്എസിൽ രാവിലെ 10ന്‌ മുഖ്യമന്ത്രി പിണറായി വിജയൻ  നിർവഹിക്കും. പൊതു വിദ്യാഭ്യാസ മന്ത്രി വി ശിവൻകുട്ടി അധ്യക്ഷനാകും. കൈറ്റ് വിക്‌ടേഴ്‌സ് ചാനൽവഴി തത്സമയം സംപ്രേഷണം ഉണ്ടാകും. സ്‌കൂൾതല പ്രവേശനോത്സവം ജനപ്രതിനിധികൾ, സാംസ്‌കാരിക നായകർ തുടങ്ങിയവരുടെ സാന്നിധ്യത്തിൽ നടക്കും. കവി മുരുകൻ കാട്ടാക്കട എഴുതി വിജയ് കരുൺ ചിട്ടപ്പെടുത്തി മഞ്ജരി ആലപിച്ച ‘മിന്നാമിനുങ്ങിനെ പിടിക്കലല്ല ജീവിതം, സൂര്യനെ പിടിക്കണം...' എന്ന പാട്ടോടെയാണ് കുട്ടികളെ സ്കൂളിലേക്ക് വരവേൽക്കുക.

മൂന്നര ലക്ഷം കുട്ടികൾ ഒന്നാം ക്ലാസിലെത്തുമെന്നാണ് പ്രതീക്ഷ. അഞ്ചിലും എട്ടിലുമായി കാൽ ലക്ഷം കുട്ടികൾ എത്തി. രണ്ടാം വർഷ ഹയർസെക്കൻഡറി, വിഎച്ച്എസ്ഇ ഉൾപ്പടെ 42 ലക്ഷം കുട്ടികൾ സ്കൂളുകളിലെത്തും. അന്തിമ കണക്ക്‌ ആറാം പ്രവൃത്തിദിനത്തിൽ ലഭ്യമാകും.
ഗതാഗതം, ശുചീകരണം, കുടിവെള്ളം, വാഹനങ്ങളുടെ ഫിറ്റ്‌നസ്, മാലിന്യനിർമാർജനം, ദുരന്തനിവാരണ ബോധവൽക്കരണം, കൗൺസലിങ്‌ എന്നിവ  വിദ്യാഭ്യാസ വകുപ്പ് സമയബന്ധിതമായി പൂർത്തിയാക്കിയിട്ടുണ്ട്.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top