കൊല്ലം>കൊല്ലം മനയിൽകുളങ്ങരയിൽ ആർഎസ്എസുകാർ വീട്ടമ്മയെയും ഭർത്താവിനേയും ആക്രമിച്ച് പരിക്കേൽപ്പിച്ചു. തടയാൻ ചെന്ന മക്കളേയും അടിച്ചു പരിക്കേൽപ്പിച്ചു. സിപിഐ എം പ്രവർത്തകനായ രെഞ്ചുവിനേയും ഭാര്യ ശ്രീദേവിയേയുമാണ് ആക്രമിച്ചത്. ഇന്നലെ രാത്രിയാണ് സംഭവം.
രഞ്ചുവിന്റെ വീട്ടിലെ വേലി വണ്ടി കൊണ്ടിടിച്ച് പൊളിച്ചതിനെ ചോദ്യം ചെയ്തതിനെ തുടർന്നാണ് 9 പേർ ഉൾപ്പെട്ട ആർഎസ് എസ് പ്രവർത്തകർ വീടുകയറി ആക്രമിച്ചത്.
തടയാൻ ശ്രമിച്ച ശ്രീദേവിയെ ചവിട്ടി വീഴ്ത്തുകയും ഉടു വസ്ത്രം വലിച്ചു കീറുകയും ചെയ്തു.വടികൊണ്ടുള്ള അടിയേറ്റ് രഞ്ചുവിന് തലയ്ക്ക് ഗുരുതരമായി പരിക്കേറ്റു.രക്ഷിതാക്കളെ ആക്രമിക്കുന്നത് തടയാൻ ശ്രമിച്ച മക്കളായ രജിത്ത്, റെജിൻ എന്നിവരേയും മർദ്ദിച്ചു.ഇവരെ ജില്ലാ ആശുപത്രിയിൽ പ്രവേശിപ്പിച്ചു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..