കക്കോടി > മലയാളി വ്ലോഗറും ആൽബം താരവുമായ റിഫയുടെ മരണത്തിൽ ഭർത്താവ് മെഹ്നാസിനെതിരെ ലുക്കൗട്ട്‌ നോട്ടീസ്‌. നേരത്തെ കുടുംബത്തിന്റെ മൊഴിയെടുക്കാൻ പൊലീസ്‌ കാസർകോട്ടേക്ക് പോയെങ്കിലും മെഹ്നാസിനെ കണ്ടിരുന്നില്ല. പെരുന്നാളിനുശേഷം മെഹ്നാസ് യാത്രയിൽ ആണെന്നായിരുന്നു വീട്ടുകാർ നൽകിയ വിവരം. തുടർന്ന് മെഹ്നാസിന്റെ മാതാപിതാക്കളുടെയും സുഹൃത്തുക്കളുടെയും മൊഴിയെടുത്ത്‌ പൊലീസ്‌ മടങ്ങി.
അതിനിടെ റിഫയുടെ പോസ്റ്റ്മോർട്ടം റിപ്പോർട്ട് ഇനിയും പൊലീസിന്‌ ലഭ്യമായിട്ടില്ല. മെഡിക്കൽ കോളേജ്‌ ആശുപത്രി വകുപ്പ്‌ മേധാവി അവധിയിലായതാണ്‌ കാരണം. മരണത്തിലെ ദുരൂഹത നീക്കാൻ ആന്തരികാവയവങ്ങളുടെ രാസപരിശോധന വ്യാഴാഴ്ച നടക്കും. പോസ്റ്റ്മോർട്ടം റിപ്പോർട്ടുകൂടി ലഭിച്ചശേഷമാകും തുടർ തീരുമാനങ്ങളെന്ന്‌ അന്വേഷക സംഘത്തലവൻ താമരശേരി ഡിവൈഎസ്‌പി അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
