31 January Tuesday

രാജ്യം ഭരിക്കുന്നത് സ്‌ത്രീവിരുദ്ധ സർക്കാർ: പി കെ ശ്രീമതി

വെബ് ഡെസ്‌ക്‌Updated: Sunday Nov 20, 2022

ആലപ്പുഴ> സ്‌ത്രീവിരുദ്ധ നയങ്ങൾ നടപ്പാക്കുന്ന ഭരണാധികാരികളാണ് രാജ്യം ഭരിക്കുന്നതെന്ന് സിപിഐ എം കേന്ദ്ര കമ്മറ്റി അംഗം പി കെ ശ്രീമതി. അഖിലേന്ത്യ ജനാധിപത്യ മഹിള അസോസിയേഷൻ സംസ്ഥാനസമ്മേളന നഗറിലേക്കുള്ള കൊടിമര-, ദീപശിഖ റാലി വലിയചുടുകാട് രക്തസാക്ഷി മണ്ഡപത്തിൽ ഉദ്ഘാടനം ചെയ്യുകയായിരുന്നു അവർ.

സ്‌ത്രീസമത്വത്തെക്കുറിച്ച് വാചാലമാകുകയും സ്‌ത്രീവിരുദ്ധ നയങ്ങൾ നടപ്പാക്കുകയുമാണ് പ്രധാനമന്ത്രി നരേന്ദ്രമോദി. കഴിഞ്ഞ സ്വാതന്ത്ര്യദിനത്തിലും നാരീസമത്വത്തെക്കുറിച്ച് അദ്ദേഹം സംസാരിച്ചു. ഒരു അത്മാർഥതയും ഇതിലില്ല. സ്‌ത്രീകൾക്ക് നേരെ അതിക്രമങ്ങൾ നടത്തുന്നവരെ സംരക്ഷിക്കുകയും  കോടതി ജയിലിലടച്ചവരെ തുറന്നുവിടുകയും ചെയ്യുന്നു.

രാജ്യം അപമാനഭാരത്താൽ തലകുനിച്ച് നൽക്കുകയാണെന്നും അവർ പറഞ്ഞു. കെ ജി രാജേശ്വരി അധ്യക്ഷയായി. മറിയം ധാവ്‌ളെ സംസാരിച്ചു.
പ്രഭാ മധു സ്വാഗതം പറഞ്ഞു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top