തിരുവനന്തപുരം
കേരളത്തിൽ തുടർച്ചയായി ഏറ്റവും കൂടുതൽ കാലം മുഖ്യമന്ത്രിയായതിന്റെ റെക്കോഡ് ഇനി പിണറായി വിജയന് സ്വന്തം. മുഖ്യമന്ത്രി പദത്തിൽ ചൊവ്വാഴ്‌ച അദ്ദേഹം 2365 ദിവസമാകും. സംസ്ഥാനത്തെ നാലാമത്തെ മുഖ്യമന്ത്രി സി അച്യുതമേനോന്റെ പേരിലായിരുന്നു നിലവിലെ റെക്കോർഡ്‌–- 2364 ദിവസം.
1970 ഒക്ടോബർ നാലിന്‌ മുഖ്യമന്ത്രി പദത്തിലെത്തിയ അച്യുതമേനോൻ 1977 മാർച്ച്‌ 25 വരെ ചുമതലയിൽ തുടർന്നു. അടിയന്തരാവസ്ഥക്കാലത്ത്‌ മന്ത്രിസഭയുടെ കാലാവധി നീട്ടിയതാണ്‌ കാരണം. പിണറായി 2016 മെയ്‌ 25നാണ്‌ ആദ്യം ചുമതലയേറ്റത്‌. 2021ൽ തുടർഭരണം ലഭിച്ച്‌ വീണ്ടും മുഖ്യമന്ത്രിയായി. ഇ കെ നായനാരാണ് കേരളത്തിൽ ഏറ്റവും കൂടുതൽ കാലം മുഖ്യമന്ത്രിയായിരുന്നത്‌. അദ്ദേഹം 10 വർഷവും 353 ദിവസവും മുഖ്യമന്ത്രിയുടെ ചുമതല വഹിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
