ഗുരുവായൂർ
സൗമ്യസംഗീതത്താൽ സദസ്സിനെ സന്തോഷഭരിതരാക്കി ചെമ്പൈവേദിയിൽ സംഗീതജ്ഞരായ ഡോ. ശ്രീരഞ്ജിനി കോടമ്പള്ളിയും നെടുംകുന്നം ശ്രീദേവും. സത്യനാരായണയുടെ കീബോർഡ് കച്ചേരിയും വേറിട്ട സംഗീതാനുഭവമായി.ഭജാ മഹേശ്രി....ഹംസധ്വനി രാഗത്തിലും ഗാനമൂർത്തേ.....ഗാനമൂർത്തി രാഗത്തിലും ജ്ഞാനമൊസഗ റാദാ.. പൂർവി കല്യാണി രാഗത്തിലും ഇന്തസൗഖ്യ.. കാപ്പിരാഗത്തിലും ഡോ.ശ്രീരഞ്ജിനി കോടമ്പള്ളി അവതരിപ്പിച്ചു. വി സിന്ധു(വയലിൻ), മുതുകുളം ശ്രീരാഗ് (മൃദംഗം), കോട്ടയം ഉണ്ണിക്കൃഷ്ണൻ (ഘടം), നെയ്യാറ്റിൻകര കൃഷ്ണൻ(മുഖർശംഖ്) എന്നിവർ ഡോ. ശ്രീരഞ്ജിനിക്ക് പക്കമേളമൊരുക്കി. ജയജയ പത്മനാഭാ..സാരസാംഗി രാഗത്തിലും വന്ദേ വാസുദേവം ...ശ്രീരാഗത്തിലും അടുഗാ രാദനി...മനോരഞ്ജിനി രാഗത്തിലും രാമാ നീ വാടു..കല്യാണി രാഗത്തിലും നാമസുധാരസ ...കാപ്പിരാഗത്തിലും നെടുംകുന്നം ശ്രീദേവ് അവതരിപ്പിച്ചു. ഇടപ്പള്ളി അജിത് കുമാർ (വയലിൻ), കടനാട് വി കെ ഗോപി (മൃദംഗം), കടനാട് അനന്തകൃഷ്ണൻ (ഗഞ്ചിറ) എന്നിവർ ശ്രീദേവിനും പക്കമേളക്കാരായി. സത്യനാരായണയുടെ കീബോർഡ് കച്ചേരി ക്ക്‌ ഗോകുൽ ആലങ്കോട് (വയലിൻ), ഡോ. കുഴൽമന്ദം രാമകൃഷ്ണൻ (മൃദംഗം), പെരുകാവ് പി എൽ സുധീർ(ഘടം) എന്നിവർ ഉപകരണസംഗീതത്തിൽ സത്യനാരായണയ്‌ക്ക് കൂട്ടായി.
വേദിയിൽ ഇന്ന്
വൈകീട്ട് 6ന് എൻ ജെ നന്ദിനി വായ്പാട്ട് ,രാത്രി 7ന് ഡോ.കൃഷ്ണകുമാർ, ബിന്നി കൃഷ്ണകുമാർ എന്നിവർ വോക്കൽ ഡ്യൂയറ്റ് അവതരിപ്പിക്കും.. രാത്രി 8ന് ഉപകരണസംഗീതത്തിൽ മൈസൂഗ്‍ ചന്ദൻ കുമാറിന്റെ പുല്ലാംകുഴൽ കച്ചേരിയും അരങ്ങേറും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
