ഗുരുവായൂർ
ഇന്ത്യൻ സ്വച്ഛതാ ലീഗിൽ രാജ്യത്തെ മികച്ച പത്ത് നഗരങ്ങളിലൊന്നായി ഗുരുവായൂർ നഗരസഭ തെരഞ്ഞെടുക്കപ്പെട്ടു. രാജ്യത്തെ 1850 ലധികം നഗരങ്ങൾ പങ്കെടുത്ത ലീഗിൽ കേരളത്തിൽനിന്ന് ഗുരുവായൂരും ആലപ്പുഴയുമാണ് തെരഞ്ഞെടുക്കപ്പെട്ടത്. കേന്ദ്ര നഗരകാര്യ വകുപ്പാണ് വിവിധ നഗരസഭകളുടെ പ്രകടനം സമഗ്രമായി വിലയിരുത്തി ഫലം പ്രഖ്യാപിച്ചത്. അഭിമാന നേട്ടം കൈവരിച്ച ഗുരുവായൂർ നഗരസഭയെ 30ന് ഡൽഹിയിൽ നടക്കുന്ന ചടങ്ങിൽ ആദരിക്കുമെന്ന് അറിയിപ്പ് ലഭിച്ചതായി നഗരസഭാ ചെയർമാൻ എം കൃഷ്ണദാസ് പറഞ്ഞു.
ഇന്ത്യൻ സ്വച്ഛ് ലീഗിൽ ഗുരുവായൂർ ദി ന്യൂ മിലേനിയം ടീം എന്ന പേരിലാണ് ഗുരുവായൂർ നഗരസഭ പങ്കാളിയായത്. ഇതിന്റെ ഭാഗമായി ഗുരുവായൂർ നഗരസഭയുടെ ആഭിമുഖ്യത്തിൽ ശുചിത്വ നഗരം ശുദ്ധിയുളള ഗുരുവായൂർ എന്ന സന്ദേശമുയർത്തി ജനകീയ മനുഷ്യച്ചങ്ങല, സെക്കിൾ റാലി, തെരുവ് ചിത്രരചന, ഫ്ളാഷ് മോബ് എന്നിവ സംഘടിപ്പിച്ചിരുന്നു. നഗരത്തിന്റെ വിവിധയിടങ്ങളിൽ മാലിന്യം തള്ളുന്നതിൽ ഗണ്യമായ കുറവുവരുത്താനും നഗരസഭയ്‌ക്കായി. ഈ പ്രവർത്തനങ്ങളാണ് മിലേനിയം ലീഗിലേക്ക് നഗരസഭയെ തെരഞ്ഞെടുത്തത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
