തൃശൂർ
എൽഡിഎഫ്‌ ഭരണത്തുടർച്ചയിൽ സർക്കാരിന്റെ നൂറുദിവസത്തിനുള്ളിൽ ജില്ലയിൽ 1002 വീടുകൾ യാഥാർഥ്യമായി. സംസ്ഥാന ഭരണത്തിന്റെ 100 ദിനങ്ങൾക്കകം സംസ്ഥാനത്ത് 10,000 ലൈഫ് വീടുകൾ പൂർത്തിയാക്കിയതിന്റെ പ്രഖ്യാപനം മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചു.
ലൈഫ് മിഷൻ പദ്ധതിയിലുൾപ്പെടുത്തി ജില്ലയിലെ പഞ്ചായത്തുകളിലായി 694 വീടും നഗരസഭകളിൽ 308 വീടുമാണ്‌ നിർമാണം പൂർത്തിയാക്കിയത്‌. വീട്‌ പണിയാൻ നാലു ലക്ഷം രൂപയാണ് സർക്കാർ അനുവദിച്ചത്.
വീടില്ലാത്ത മുഴുവൻപേർക്കും വീടൊരുക്കുകയാണ്‌ എൽഡിഎഫ്‌ സർക്കാരിന്റെ ലക്ഷ്യം. 2020 ആഗസ്‌ത്‌, സെപ്തംബർ മാസങ്ങളിലായി 67820 പുതിയ അപേക്ഷകൾ ജില്ലയിൽ ലഭിച്ചിട്ടുണ്ട്.
ഈ അപേക്ഷകളുടെ പരിശോധന കോവിഡ്‌ വ്യാപനം മൂലം നീണ്ടു. അടുത്ത ദിവസങ്ങളിൽ ഇതിനുളള സർക്കാർ ഉത്തരവ് ലഭ്യമാകുന്നതോടെ ആയിരക്കണക്കിന്‌ പാവപ്പെട്ടവർക്ക്‌ കൂടി വീടാവും.
ജില്ലയിലെ തദ്ദേശ സ്ഥാപനങ്ങളില്‍ അധ്യക്ഷന്മാര്, സ്ഥിരം സമിതി അധ്യക്ഷന്മാര്, അംഗങ്ങള്‍, സെക്രട്ടറിമാര്‍ തുടങ്ങിയവരുടെ നേതൃത്വത്തിലാണ് പ്രാദേശിക ചടങ്ങുകള്‍ സംഘടിപ്പിച്ചത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
