കനത്ത മഴ; വ്യാപക നാശം

തിരുവനന്തപുരം 

ജില്ലയിലെങ്ങും കനത്തമഴ. വെള്ളി രാവിലെമുതൽ ആരംഭിച്ച മഴ രാത്രിയും തുടർന്നു. അതേസമയം വർക്കലയിലും സമീപ പഞ്ചായത്ത് പ്രദേശങ്ങളിലുമായി വർക്കല താലൂക്കിൽ ഒരു വീട് പൂർണമായും നിരവധി വീടുകൾ ഭാഗികമായും തകർന്നു. വിളപ്പിൽ പഞ്ചായത്തിലെ കരിവിലാഞ്ചി വാർഡിലെ ക്രിസ്തുദാസിന്റെ വീട് മഴയിൽ തകർന്നു.  ക്രിസ്തുദാസും ഭാര്യയും അപകട സമയത്ത് വീട്ടിൽ ഇല്ലാതിരുന്നതിനാൽ വൻ അപകടം ഒഴിവായി.

വിവിധ പ്രദേശങ്ങളിൽ മരങ്ങൾ കടപുഴകി വൈദ്യുത ലൈനിലൂടെയും റോഡിലൂടെയും വീണതിനാൽ വൈദ്യുത ബന്ധം വിച്ഛേദിക്കപ്പെട്ടു. വിവിധ സ്ഥലങ്ങളിൽ ഗതാഗത തടസ്സവുമുണ്ടായി. വർക്കല നഗരസഭ, വെട്ടൂർ, ഇടവ പഞ്ചായത്തുകളിലെ തീരദേശ മേഖലയിലെ വീടുകളിലും താഴ്ന്ന പ്രദേശങ്ങളിലും വെള്ളം കയറി. ചെമ്മരുതി കല്ലണയാർ കരകവിഞ്ഞൊഴുകി. ചെറുന്നിയൂർ, ഒറ്റൂർ, മണമ്പൂർ, വെട്ടൂർ, ഇടവ, ഇലകമൺ, ചെമ്മരുതി എന്നീ പഞ്ചായത്തുകളിലെ കൃഷിയിടങ്ങളിലും വെള്ളം കയറി. 

 

കനത്ത മഴയിലും കാറ്റിലും കടൽക്ഷോഭവും രൂക്ഷമാവുകയാണ്. 

ഇതോടെ പാപനാശം, തിരുവമ്പാടി തീരങ്ങളിൽ സന്ദർശക നിയന്ത്രണവും തുടരുകയാണ്. മൂന്നു മാസത്തിലേറെയായി തീരത്തുനിന്ന് കടലിലേക്ക് ആരെയും കടത്തിവിടാറില്ല. കയർ കെട്ടിത്തിരിച്ചും മുന്നറിയിപ്പ് ബോർഡുകൾ സ്ഥാപിച്ചുമാണ് തീരത്ത് നിയന്ത്രണം ഏർപ്പെടുത്തിയിട്ടുണ്ട്‌. തിരുവനന്തപുരം നഗരത്തിൽ തുടർച്ചയായി പെയ്‌ത മഴയിൽ താഴ്‌ന്ന പ്രദേശങ്ങളിൽ താൽക്കാലിക വെള്ളക്കെട്ടുണ്ടായി. പാങ്ങോട് മരം വീണു ഗതാഗതപ്പെട്ടു. കുഞ്ഞാലുമ്മൂട് വീടുകളിൽ വെള്ളം കയറി.  പട്ടം പ്ലാമൂട് ഭാഗത്തു മരം വീണു.

 

തെറ്റിയാർ തോട് കരകവിഞ്ഞു; 
3 വീടുകളിൽ വെള്ളംകയറി